影片
更多
2015-04-28
7673 瀏覽
約左靚媽食飯，靚媽話想喺生之前大吃一餐，第日生左餵奶，到時戒得仲要再清，咁遷就佢去左黃金海岸食自助餐，入到去餐廳已經坐滿人，buffet枱無論冷盤，沙律，熱盤，炸物，刺身 以至甜品，都好多選擇，就算生果品種都好多.冷盤有我頗喜歡嘅泰式鳳爪，酸酸甜甜好開胃。仲有啲較具東方色彩嘅沙律，例如南瓜沙律，青瓜豬肉沙律等，都有六，七款之多。海鮮有蟹腳，帶子，蝦，藍青口，青口同螺等，不停refill, 剌身櫃，更不用多講吧!喂喂喂，呢個係我同靚媽嘅發光區，就係薯條啦！呢排我愛上食薯條，估唔到靚媽都咁鍾意，我地食左都幾多下，仲有薯條嘅朋友仔~炸魚，魚 皮脆肉滑。另外仲有俾靚媽見到佢嘅挈愛~燒豬頸肉同雞翼，佢話好味噃. 但點知……，原來喺outdoor,有好多即燒燒物ar! 係喎! Barbie Barbie!barbie唔係玩具娃娃，而係澳洲人啲friend and family gathering 時最鍾意嘅barbecue嘅short form.呢個原來係成個buffet 的重點，出面啲buffet話自己係澳洲主題，但都無今次咁精彩!袋鼠肉當然澳洲嘅特產啦！自從讀完書返嚟之後都未食過袋鼠肉了.
約左靚媽食飯，靚媽話想喺生之前大吃一餐，第日生左餵奶，到時戒得仲要再清，咁遷就佢去左黃金海岸食自助餐，入到去餐廳已經坐滿人，buffet枱無論冷盤，沙律，熱盤，炸物，刺身 以至甜品，都好多選擇，就算生果品種都好多.
冷盤有我頗喜歡嘅泰式鳳爪，酸酸甜甜好開胃。仲有啲較具東方色彩嘅沙律，例如南瓜沙律，青瓜豬肉沙律等，都有六，七款之多。海鮮有蟹腳，帶子，蝦，藍青口，青口同螺等，不停refill, 剌身櫃，更不用多講吧!
喂喂喂，呢個係我同靚媽嘅發光區，就係薯條啦！呢排我愛上食薯條，估唔到靚媽都咁鍾意，我地食左都幾多下，仲有薯條嘅朋友仔~炸魚，魚 皮脆肉滑。另外仲有俾靚媽見到佢嘅挈愛~燒豬頸肉同雞翼，佢話好味噃.
但點知……，原來喺outdoor,有好多即燒燒物ar! 係喎! Barbie Barbie!barbie唔係玩具娃娃，而係澳洲人啲friend and family gathering
時最鍾意嘅barbecue嘅short form.呢個原來係成個buffet 的重點，出面啲buffet話自己係澳洲主題，但都無今次咁精彩!
袋鼠肉當然澳洲嘅特產啦！自從讀完書返嚟之後都未食過袋鼠肉了. 香港好少機會食到，袋鼠肉脂肪比例較少，可能因為咁，比我印象係'鞋'身一點同有少許膻味，但呢個厨師好聰明，將袋鼠肉打成免治混
入芝士放在厚身多汁嘅龍葵菇上，有啲似食pizza嘅感覺，而芝士啲油份滲入肉内加上菇一起吃，香口之餘仲有啖啖肉的感覺。
當中有燒雞全翼，個燒烤架好無敵呀！可一次過燒好多隻，仲夠晒火喉，燒烤的廚師仲好nice,問左我兩次，影相使唔使轉位就我，仲同我有講有笑，非常敬業樂業呢！另外仲有排得靚靚嘅燒羊架，同燒全隻乳鴿，平時食乳鴿食得多，睇住佢燒真係第一次啊。
還有芥末子汁煮鴕鳥肉，肉質細
緻柔軟彈牙，配上芥末子迫出了鸵鳥肉的鮮味。
食食下有侍應給了我們牌子，邀請我們去拎飲品，可選澳洲紅、白餐酒或奇異果飲品等任何一杯，我選了白酒，係唔太dry,果味香嘅chardonnay
同靚媽又食又傾之制，侍應送上一碟香草蒜茸琵琶蝦，說是每位客人都有，其蝦 肉唔算彈牙但調味很好，佈滿香草蒜茸，十分惹味，同埋焗得少少燶令蒜茸顯出甜味
芝士corner
呢度啲芝士好特別，有蜜瓜芒果芝士，杏脯芝士，蕃茄乾芝士同香草蒜茸芝士，佢地大部份都係偏甜的，但幾特別，幾款都係第一次試咋!
到甜品時間，真的不能容納太多 ，見到心愛嘅Limington都食唔落，但係見到'老朋友'焗杏仁梨撻，這甜品是我在澳洲時已很喜歡了，而黃金海岸呢度做得很好
很細緻，個撻無論喺乾濕度適中，並生果與批嘅平衡都做得恰到好處，認真地說，在香港很難搵到咁好味的Apricot Pie, 更而令我懷勉從前……
以Haagen dazs雪糕與外脆內軟的Waffle一起食,超滿足, 不過如果有塊Pancake 仲好，因為'Pancake on the rock' 嘛！在悉尼生活過的，你懂的!
Jumpy Jumpy?當我地走嘅時候，有隻青蛙在我腳上跳過，嚇了一跳，好多人會覺得澳洲生活好悶，但如果識得周圍去探索，澳洲其實都好多姿多采的，想想係時候加快腳步歸家，發番個澳洲之旅嘅美夢!!!張貼
