1
▶️ 伯爵茶戚風蛋糕 8‘’
好巨型🎂適合10-12個人食用
外表白雪雪，灑上少許花瓣作裝飾，望落簡單優雅
切開係軟綿綿嘅戚風蛋糕，切嗰下已經feel到蛋糕好有回彈力，「反彈」返把刀上嚟🤣
戚風蛋糕口感濕潤，冇前嗰兩個蛋糕咁輕身，同樣軟綿綿但比較幼細同有質感
睇得出用咗好多茶葉製成，差唔多成個蛋糕佈滿茶葉🍵伯爵茶味極度濃郁，當然仲食到蛋香味，同時唔會好甜
外層係忌廉，佢寫話係用黑糖口味嘅法國忌廉，但係自己食到微微咖啡味🙈
男朋友仲加咗麻糬俾我，佢啲麻糬好大粒，成個蕨餅size咁，全部聚集喺中間
咬落煙煙韌韌唔太黏身😋唔係鬼口水type，而係比較乾爽滑捋捋，加咗令蛋糕更加豐富！
屋企人一齊食，全部都大讚佢伯爵茶味夠出夠香
一個簡單唔花巧但高質嘅蛋糕🍰
