A-1 Bakery & Cafe (已結業)

屋企樓下都有間A1 但從來都唔知原來而家A1有café可以食high tea架… 今日行過見到哩間有 又比起出面果D都幾平 就即管試下啦 其實個餐都無咩野食 有三層啦 好似係應該由下面食起嘅 最低果屠有2個鬆餅 有個果醬可以搽 不過如果個鬆餅係熱嘅話就會好D啦. 中間果層有2個三文治卷 入面包左煙三文魚 都係無咩特別 最上面果層有2件cake 應該成個野最抵嘅一樣野 咁的確餅鋪都係食餅好D嘅 你係可以係個凍櫃入面任揀佢D蛋糕 我地揀左一件藍莓芝士同一件意大利芝士餅 tiramisu就不嬲都唔係好鍾意食 件藍莓cheesecake都幾好 夠rich夠濃芝士味 算係滿意嘅 但食完都唔係好飽 平時酒店果D係食完飽到夜晚都唔洗食架嘛.. 果然係一分錢一分貨..