I'm Nuts (已結業)

餐廳裝潢簡約，俾人一種悠閒舒適既感覺，放工之後嚟chill下，精神可以放鬆不少。同朋友一樣叫左dinner set。餐湯系羅宋湯，裏面有好多雜菜，濃濃既番茄酸香，一啲都唔馬虎。朱古力奶昔好濃朱古力味，少有地唔會過甜，而且好滑冇碎冰，質感再厚啲就更好！呢度出名咖啡又點可以唔試？Piccolo 嚟到已經聞到咖啡香，飲落濃濃既咖啡味，帶微微酸，苦味唔重，飲得出用上靚既咖啡豆，咖啡迷要試！菠蘿包burger真系第一次試！原本以為又咸又甜會好怪，但食落甜味其實唔重，所以唔會怪。菠蘿包烘得好脆，安格斯牛肉好鬆軟有鮮味，配埋double芝士，正呀！綠海灘上的巨型軟殻蟹既綠海灘其實系綠色既意粉！意粉軟硬適中，入口好香既羅勒味，不過略咸，軟殻蟹好大隻而且厚肉，仲好香脆，但都咸左少少。最後既甜品都有驚喜！畫上公仔好有心思！芝士蛋糕整成兩層，上層系藍莓芝士，比較軟身，似凍餅，下次系原味，實少少，似焗芝士蛋糕既質地，好味又特別！小店各樣食物都精緻好食，落左唔少心思，值得支持！