影片
更多
2008-06-23
六月二十一日 (星期六)中午放工後約咗人返大陸, 但仲有時間所以自己走去食晏"天勝" 會係我嘅首選, 之前已經食過好多次通常都係食晏, 因為我好鐘意食佢啲 Set平時 weekday 爆到七彩(最好有 booking)今日星期六都係一兩枱客侍應生未攞餐牌嚟之前我已經諗好叫乜叫咗燒牛肉碗飯套餐牛肉本身我鐘意食, 再加上呢個 set 嘅精髓係飯之外仲有一碗湯烏冬因為烏冬麵我都喜愛, 所以呢一個套餐滿足到我兩樣喜好洋蔥牛肉夠味夠香, 而且汁多好送飯烏冬唔會淋都算彈, 可惜每次個湯都偏咸雖然價錢算係中高, 但以食物質素而言都係抵所以呢間算係我暫時最喜愛嘅日本餐廳之一不論午市晚飯都不乏日本客捧場, 信心有保証
六月二十一日 (星期六)
中午放工後約咗人返大陸, 但仲有時間所以自己走去食晏
"天勝" 會係我嘅首選, 之前已經食過好多次
通常都係食晏, 因為我好鐘意食佢啲 Set
平時 weekday 爆到七彩(最好有 booking)
今日星期六都係一兩枱客
侍應生未攞餐牌嚟之前我已經諗好叫乜
叫咗燒牛肉碗飯套餐
牛肉本身我鐘意食, 再加上呢個 set 嘅精髓係飯之外仲有一碗湯烏冬
因為烏冬麵我都喜愛, 所以呢一個套餐滿足到我兩樣喜好
洋蔥牛肉夠味夠香, 而且汁多好送飯
烏冬唔會淋都算彈, 可惜每次個湯都偏咸
雖然價錢算係中高, 但以食物質素而言都係抵
所以呢間算係我暫時最喜愛嘅日本餐廳之一
不論午市晚飯都不乏日本客捧場, 信心有保証
張貼
