影片
更多
2022-02-24
71 瀏覽
🥂Woke 🔍中環威靈頓街74號明發大廈地下至3樓-----疫情下周圍都冇得去，日日喺屋企悶到心情壓抑，所以上個週末就嚟咗呢一間以CBD為主題嘅法式Fusion餐廳食Lunch，希望藉由與CBD融合為一體嘅食物令自己放鬆一下。.風格簡潔又摩登嘅樓高三層裝修，感覺頗有氣派，三樓仲有一大片🌹玫瑰花牆，女仔要影iGable嘅相絕對係輕而易舉。🍽Lobster (Daily special lunch Set $328)*Set包含麵包籃、前菜、餐湯、主菜同飲品🥖麵包籃：三款麵包均做得細膩綿密，麵粉味香濃，當中尤以邊緣薄脆，中央鬆軟嘅裸麥吐司片同佢地自家製嘅雞肝醬特別合拍。呢兜麵包籃本來係Set入面嘅配角，但整體質素幾驚艷，唔輸後面嘅主角。🦆前菜：填鴨沙律呢碟靈感來自北京填鴨嘅前菜，以酥香鴨皮、手撕鴨肉、京蔥等等組成，加上鴨油麻醬涼拌一下，入口冰爽透心，層次豐富，中式味道中帶有一點西式風格嘅別出心裁，不錯。🍅餐湯：番茄海鮮湯望落去神似南瓜湯嘅小黃茄海鮮湯，飲落帶番茄嘅自然酸香，開胃非常，同平時飲開嘅罐頭番茄濃湯味道唔同，味道明顯相較真實。🦞主菜：龍蝦服務員告知呢個龍蝦以54度慢煮咗二十四小時，
🔍中環威靈頓街74號明發大廈地下至3樓
-----
疫情下周圍都冇得去，日日喺屋企悶到心情壓抑，所以上個週末就嚟咗呢一間以CBD為主題嘅法式Fusion餐廳食Lunch，希望藉由與CBD融合為一體嘅食物令自己放鬆一下。
.
風格簡潔又摩登嘅樓高三層裝修，感覺頗有氣派，三樓仲有一大片🌹玫瑰花牆，女仔要影iGable嘅相絕對係輕而易舉。
🍽Lobster (Daily special lunch Set $328)
*Set包含麵包籃、前菜、餐湯、主菜同飲品
🥖麵包籃：三款麵包均做得細膩綿密，麵粉味香濃，當中尤以邊緣薄脆，中央鬆軟嘅裸麥吐司片同佢地自家製嘅雞肝醬特別合拍。呢兜麵包籃本來係Set入面嘅配角，但整體質素幾驚艷，唔輸後面嘅主角。
🦆前菜：填鴨沙律
呢碟靈感來自北京填鴨嘅前菜，以酥香鴨皮、手撕鴨肉、京蔥等等組成，加上鴨油麻醬涼拌一下，入口冰爽透心，層次豐富，中式味道中帶有一點西式風格嘅別出心裁，不錯。
🍅餐湯：番茄海鮮湯
望落去神似南瓜湯嘅小黃茄海鮮湯，飲落帶番茄嘅自然酸香，開胃非常，同平時飲開嘅罐頭番茄濃湯味道唔同，味道明顯相較真實。
🦞主菜：龍蝦
服務員告知呢個龍蝦以54度慢煮咗二十四小時，食落果真爽口彈牙，肉質鮮甜，啖啖都充滿活力感，配搭嘅櫻花蘋果汁，味道清新。
🍫甜品：牛奶朱古力慕絲（$98）
呢款係Set Lunch以外嘅甜品，用拖肥作醬，濃厚牛奶朱古力加上高貴黑松露脆片及香口餅乾碎，入口細嫩幼滑，雖然份量不大，但由於好足料，一個人食會太飽膩，同朋友分享就啱啱好。
✨PS：餐廳所有食物都有加入CBD
「大麻二酚 （CBD）：一種係大麻入面提煉出嚟嘅化學成份，呢種成份喺香港係合法嘅，食完之後嘅好處包括可以放鬆身心、保護神經、抗氧化、舒緩皮膚敏感泛紅、改善皮膚自我修復力等等（From Google大神）💕」
-----
👶🏻B仔整體評價：8/10個👍🏻
👶🏻B仔抵食程度：7/10個👍🏻
👶🏻B仔服務評分：8.5/10個👍🏻
👶🏻B仔環境評分：8/10個👍🏻
👶🏻B仔味道評分：8/10個👍🏻
👶🏻B仔回頭機會：8/10個👍🏻
-----
#swallowhongkong
☺️快D跟住B仔一齊吞食香港啦！🤤
#swallowcentral
張貼
