Flaneur (已結業)

我係一個「無飯煮婦」嚟㗎，經常都要出街開餐嘅，今日我就試咗間西餐廳，佢唔係一間普通炒粉麵飯嘅餐廳喎， 餐廳嘅食品嘅嘢都幾特色㗎，有咖喱燒雞墨西哥烤餅$68啦，上枱時嘅擺設都已經好吸引，個烤餅烤得好鬆脆，咖哩味又濃郁，又不太辣，雞肉又多汁，做到外脆內嫩，口感好豐富，外皮做都好有墨西哥風味。呢個蒜香海鮮意大利麵＄118做得好有特色，佢將新鮮嘅貝殼類海鮮混合巧手香 濃嘅蒜蓉，連帶啲配菜都提升到高層次享受.仲有佢做個迷你牛肉漢堡＄78都與別不同，佢塊牛扒雖然係用煎嘅方法，時間上拿捏得外脆內嫩，包面焗到鬆脆裏面鬆軟，加上牛扒嘅肉汁好食到停唔到口。跟住佢做嗰個煎美國芝士蛋糕配熱情果汁＄58個賣相一見到就好想食，佢將表面煎到好似黃金一樣的光澤，芝士味四溢，蛋味濃旭再配上熱情果汁，會令人驚嘆，當吃得飽飽的時候，跟住上一個烤焦糖菠蘿＄48，即刻感到有緩衝的舒暢，最後仲有兩款特色飲品，色香味俱全，Strawberry Paradise$58+Tokyo Dream$55，讓這個晚上畫上了圓滿的句號。