影片
更多
2021-03-07
98 瀏覽
餐廳遠離塵囂，有落地玻璃窗欣賞到180度海景，感覺好chill。裝潢以溫馨和風作主調，一踏入餐廳，充滿日式風雅嘅用餐氣氛，令心情真超放鬆，好似瞬間飛咗去日本咁！前菜酒蒸鮑魚軟腍彈牙，入口有淡淡酒味。三文魚、三文魚籽mix蘿蔔蓉，加埋柚子汁，清新開胃。炸魟魚炸漿夠薄，脆卜卜，好香口。岩手縣生蠔 - 令和怪物上面加咗蕃茄蒜蓉汁同三文魚籽，用咗紫蘇花做點綴。蠔身大隻飽滿，肥美爽口，入口蠔味濃有海水味，加埋三文魚籽，口感澎湃豐富。刺身新鮮北海道牡丹蝦口感爽滑帶膠質，鮮甜濃郁，餘味悠長。新鮮北海道鮮帶子肉身豐厚鮮嫩，肉質有彈性，鮮味十足。深海池魚質感爽脆帶油份，味道濃郁鮮甜。中拖羅口感嫩滑，油分適中而無筋，入口即溶；赤身質感軟腍，魚味濃厚。一上枱就香噴噴！A4和牛燒得香口，咬落去鬆化有肉汁，脂香肉濃，炸蒜片又薄又脆，同和牛一齊食就更加香口。北寄貝同帶子都係新鮮嘅，用咗薑同豉油去煮。帶子仲係用咗刺身級，煮完之後仲係鮮甜多汁；北寄貝彈牙有咬口，鮮甜得嚟又有陣陣薑味。壽司方面師傅已經喺入面加咗刺身豉油做咗調味，食嘅時候唔需要再點豉油。真鯛+黃柚子皮魚肉清爽，鮮味味十足，再喺魚肉上面加咗啲柚子皮，令口味
裝潢以溫馨和風作主調，一踏入餐廳，充滿日式風雅嘅用餐氣氛，令心情真超放鬆，好似瞬間飛咗去日本咁！
前菜
酒蒸鮑魚軟腍彈牙，入口有淡淡酒味。
三文魚、三文魚籽mix蘿蔔蓉，加埋柚子汁，清新開胃。
炸魟魚炸漿夠薄，脆卜卜，好香口。
岩手縣生蠔 - 令和怪物
上面加咗蕃茄蒜蓉汁同三文魚籽，用咗紫蘇花做點綴。
蠔身大隻飽滿，肥美爽口，入口蠔味濃有海水味，加埋三文魚籽，口感澎湃豐富。
刺身
新鮮北海道牡丹蝦口感爽滑帶膠質，鮮甜濃郁，餘味悠長。
新鮮北海道鮮帶子肉身豐厚鮮嫩，肉質有彈性，鮮味十足。
深海池魚質感爽脆帶油份，味道濃郁鮮甜。
中拖羅口感嫩滑，油分適中而無筋，入口即溶；赤身質感軟腍，魚味濃厚。
一上枱就香噴噴！
A4和牛燒得香口，咬落去鬆化有肉汁，脂香肉濃，炸蒜片又薄又脆，同和牛一齊食就更加香口。
北寄貝同帶子都係新鮮嘅，用咗薑同豉油去煮。帶子仲係用咗刺身級，煮完之後仲係鮮甜多汁；北寄貝彈牙有咬口，鮮甜得嚟又有陣陣薑味。
壽司方面師傅已經喺入面加咗刺身豉油做咗調味，食嘅時候唔需要再點豉油。
真鯛+黃柚子皮
魚肉清爽，鮮味味十足，再喺魚肉上面加咗啲柚子皮，令口味份外清新，令人食慾大增。
左口魚+火炙左口魚邊
左口魚肉質結實滑溜，鮮味甘香；魚邊經火炙後逼出豐富嘅油脂，入口充滿油香，增加風味。
鯖魚入面釀咗少少飯同白奴蔥，再用火槍燒，上面加咗少少薑，入口軟腍有咬口，魚味濃厚，味道層次豐富。
醬油漬14日熟成中拖羅肉色較深，但肉質鬆軟，而且味道愈𡁻愈濃。
用嘅係北海道海膽，外形飽滿完整，色澤金黃。
師傅落手毫不吝嗇，海膽份量多，入口嫩滑鮮甜，口感creamy，滋味一流，令人回味。
蜆麵豉湯
食完壽司飲番碗湯暖暖胃，湯好足料，用咗原粒連殼蜆肉，蜆肉大隻飽滿，唔會過熟，啖啖肉口感十足，麵豉湯嘅味道亦唔會過鹹。
甜品係芝麻奶凍、柚子雪葩配十勝紅豆蓉
柚子雪葩入面有柚皮，食落好香柚子味，甜中帶酸，入口即融，味道清爽自然；原粒嘅十勝紅豆蓉，有口感而且豆味濃郁，味道香甜。
由前菜、刺身到主菜，擺盤都好有心思同吸睛，精緻到好似藝術品一樣，值得推薦！
張貼
