Iberians (已結業)

今日同男友喺尖東逛完街，偶然經過新文華中心，發現入邊有一間新開嘅西班牙餐廳，這類型嘅餐廳喺尖東唔多，既然是新開，就抱着姑且一試的心態去試吓！我哋先叫幾個頭盤試試，包括有青紅蘋果沙律、烤西班牙蛋餅、巴馬火腿配哈蜜瓜、發飽配西班牙紅椒牛肉以及威士忌風味炒蘑菇露筍。試咗幾款頭盤也不錯，沙律酸酸甜甜好開胃，火腿配蜜瓜甘香鮮甜，蛋餅熱辣辣香噴噴，蘑菇蘆筍不油膩，令人好開胃。跟住到主菜，我們點了銀鱈魚配蒜蓉牛油和西班牙海鮮炒飯。銀鱈魚煎得皮脆肉滑，配上優質嘅蒜蓉牛油，相得益彰；海鮮飯配小龍蝦、魚、鮮蝦、青口和魷魚，海鮮鮮甜，用嚟送飯啱啱好！意猶未盡，最後還要食返個甜品，我哋揀咗有西班牙特色嘅甜品，包括有西班牙油條、焦糖奶凍和芝士蛋糕，畫上一個完美嘅句號！