影片
更多
2012-09-25
23 瀏覽
今日女友話肥左, 當然要食light D喇, 我地簡左越南PHO。好耐之前幫襯過呢間野, 不過係銅鑼灣。 D夥計話銅鑼灣果間已經結業了, 都正常吧因為個位好唔就腳。isquare呢間雖然商場四四正正, 但一樣難穩格zip, 比好大碌柱遮住, 而佢地既poster分開幾格, 遠睇根本唔知係乜, 個飛碟形既logo更是異次元, 唔係食過綠綠地以為係佩公公糖水。 反觀danial wu既壽司同悲必格飛就醒神好多喇, 隔離個mall都見到呀寶貝個車頭, 設計秒殺全場。呢間越南野同之前去既一樣乾淨, 一樣唔越南, 諷刺的是PHO24其實係越南已經好耐歷史, 越南既朋友都識得呢間野, 情況有如鼎泰豐一樣係過江龍, 先幾日上uwant重見倒佢地出杯麵! (呢個idea真係既過癮) 但點解裝修禁唔越南既呢? 百思不得其解。今次叫左好多野:一個2人餐, 但係4人都食唔晒…包兩個main course, 兩碗粉海鮮湯青口咖哩牛腩煲紮肉雞絲湯檬蟹肉海鮮番茄湯粉連一個頭盤甜品叫左芋泥同班蘭糕頭盤 - 並非小弟影相問題, 個presentation真係好頹, 整體來說係實力派, 豬扒嫌乾, 鹹了少許, 但入味
好耐之前幫襯過呢間野, 不過係銅鑼灣。 D夥計話銅鑼灣果間已經結業了, 都正常吧因為個位好唔就腳。
isquare呢間雖然商場四四正正, 但一樣難穩格zip, 比好大碌柱遮住, 而佢地既poster分開幾格, 遠睇根本唔知係乜, 個飛碟形既logo更是異次元, 唔係食過綠綠地以為係佩公公糖水。 反觀danial wu既壽司同悲必格飛就醒神好多喇, 隔離個mall都見到呀寶貝個車頭, 設計秒殺全場。
呢間越南野同之前去既一樣乾淨, 一樣唔越南, 諷刺的是PHO24其實係越南已經好耐歷史, 越南既朋友都識得呢間野, 情況有如鼎泰豐一樣係過江龍, 先幾日上uwant重見倒佢地出杯麵! (呢個idea真係既過癮) 但點解裝修禁唔越南既呢? 百思不得其解。
今次叫左好多野:
一個2人餐, 但係4人都食唔晒…
包兩個main course, 兩碗粉
海鮮湯青口
咖哩牛腩煲
紮肉雞絲湯檬
蟹肉海鮮番茄湯粉
連一個頭盤
甜品叫左芋泥同班蘭糕
頭盤 - 並非小弟影相問題, 個presentation真係好頹, 整體來說係實力派, 豬扒嫌乾, 鹹了少許, 但入味非常, 春卷個樣好似病入膏肓, 但食落好脆, 裡面豬肉幾香, 人不可以貌相, 柚子沙律沒什麼調味, 不知道是否越南人就這樣食才算正宗, 但我不喜歡, 雞翼較縮水, 但並非翻炸貨色, 重點評價係蝦片, 其實餐廳有無心機做最好從小處著眼, 好多餐廳比蝦片係林晒又無味無道, 佢簡直係剛剛新鮮炸出來的, 誠意可嘉。呢個樣子同內涵不成正比既頭盤味道真的不錯。
海鮮湯青口- 侍應未尼已經聞倒湯既香味, 好大粒青口但唔多, 青口似剛煮熟但偏辣, 個湯好濃好濃, 感覺似擺左好多野落去熬, 極似東陰湯底, 正! 對呢間野另眼相看。
咖哩牛腩煲 - 點解越南有咖哩, 應該說點解越南餐menu會放咖哩, 我地就呢個問題採取了一個積極不干預態度, 就係食。出奇地出色, 問題係唔太多牛腩, 牛腩係偏硬, 但好入味。 個汁一定要試, 好食過左敦果一列印度咖哩, 重慶既鄉里有敵人了。
紮肉雞絲湯檬 - 食得出個湯真係骨湯, 但有少許味精而且不夠足料, 成本問題吧…蔥和洋蔥都太多影響味道, 雞絲不夠滑但雞味濃郁, 紮肉無什麼味精, 選料認真, 而檬粉幾香, 但就林左dd, 不過不失。
蟹肉海鮮番茄湯粉 - 一試難忘, 我食左第1淡, 即刻叫經理, 佢話真係用成隻蟹打碎尼做湯底, 所以真係貴, 好似單點要70幾蚊, 但真係好好食! 女朋友怕敏感但我就成碗湯飲晒, D蝦重好大隻, 番茄唔夠多否則100分, 我直頭問可唔可以入廚房但就被拒於門外, 經理好nice囉左幾隻活蟹出尼, um, 無錯喇, 因為我舅父係賣魚既, 無錯的話係”掩仔蟹”, 經理好nice。 嘩呢個必試, 但係如果唔受得敏感的話一定入醫院, 因為真係好足料, 正到暈! 設計menu個師傅好聰明, 因為番茄係可以辟腥既。
最後個班蘭糕我無食到, 因為我非常討厭班蘭的味道, 但未食已扣分, 因為一篤落去就上下分開解體, 女友食到一半就無食。而芋泥就熱騰騰, 我亦不喜歡芋頭的味道, 不過師傅做得非常好, 佢食得出一粒一粒既芋頭, 此甜品偏甜不適合無quota女士食用。
整體來說有如此的水準實屬難得, iquare除左daniel sushi okay之外, 原來另有深藏不露既高手係左近, 以後唔一定要爭蹦頭排長龍了。
題外話/補充資料：
蟹肉海鮮番茄湯粉, 誠意推薦
(以上食評乃用戶個人意見 , 並不代表OpenRice之觀點。)
張貼