Hong Kong Burger (榮發工業大廈) (已結業)

👭🏻放咗工之後拉咗個同事朋友仔一齊去食下午茶(利申：小編見梁祖堯推介過呢間小店～），有小編又點少得肉食呢～🍔美國安格斯牛肉芝士漢堡（$98）：菠蘿多汁，漢堡扒厚肉，加上濃郁嘅半溶芝士及醬汁，咬落去好滋味。但記得一定要趁熱食，先至可以享受到香軟嘅漢堡包皮！🍕千島醬鮮蝦薄餅（$78）：小編個人推介！如果鍾意食簿脆薄餅嘅朋友仔，呢度嘅薄餅就一定啱你口味！佢哋個薄餅皮超級香脆，入口輕輕一碰就碎。沾上店家配送嘅汁醬，有啲似新鮮特簿特脆版嘅doritos～🍤薯絲蝦（$38）：香脆可口嘅薯仔絲平均包裹住蝦仁，點埋醬汁好惹味。小編食完之後突登買咗一包急凍薯絲蝦自己焗，但係完全做唔到呢個每條薯絲都香脆嘅效果⋯有無大大可以教教小編～🍗香辣雞中翼（$58）：超級輕微嘅辣度，雞中翼輕微炸過，外皮少脆，保留到肉質juicy，ok。☺️整體而言：小編偏愛薄餅，薄脆香！Hong Kong Burger (九龍灣)地址：九龍灣宏泰道12號榮發工業大廈地下4A3號舖電話：93864518#香港食好西 #九龍灣 #漢堡 #小食 #香港 #野生代言人