新金鹿茶餐廳 (已結業)

今日中午無時間食飯，直到下午三點幾，唸住叫個常餐並隨手抽張外賣紙，新金鹿--ok夠近；叫咗個五香肉丁麵配奄列，餐飲熱奶茶。果然好快，好似5分鐘倒就到，亞姐遞上外賣：「多謝50蚊。」，我話：「咩話？」擾攘咗兩分鐘，亞姐打返去問常餐係咪50蚊，電話裡面個人話係，我攞張外賣紙出嚟比亞姐睇，明明寫住HK34.00，亞姐覆述比電話裡面個人聽，佢回覆話嗰張舊架。嘩！真係打死狗講價，唔想喺公司搞咁耐，焗比50蚊亞姐。咩世界！張外賣紙點舊，都無理由加咗47%呀。