影片
更多
2019-07-07
74 瀏覽
🐷🐷🐷難得媽咪平日放假，決定帶佢尋覓大好野食。入左間喺白沙灣碼頭酒店既餐廳，個景的確幾靚。果日去到12點都未到，餐廳仲未開🤣 但經理好友善叫我地入去坐住先。除左廂房，坐得舒舒服服而且夠曬私隱度外，更加有榻榻米房，啱曬一班朋友暢談心事，而且都設有電視，環境清幽！原來依度係京都物產提供店，喺香港都食到京都既味道！經理熱情好客，健談之餘又不失對客人應有既禮儀。傾到一半話請我地飲杯咖啡🤫 First impression就係間好有人情味既高級餐廳。我地揀左兩個lunch set▪️ 前菜前菜係京都流水腐皮配麻醬。同平時食既腐皮口感大有不同，簡直可以用滑入喉嚨黎形容，質感有啲似滑蛋，但伴淡淡豆香。配上麻醬冰涼且醒胃，作為前菜真係唔錯🤪▪️ 鮮蔬菜沙律▪️ 味噌汁，漬物味噌湯味道濃郁，同快餐店飲到既有明顯分別。餐廳用既係白神山山水，即係軟水。大廚話對人體較健康🤔 豆腐香滑。而Pickles亦夠醒胃。值得一提既係，大廚上餐前好詳細咁同我地講解左日本既餐桌禮儀。例如味噌湯蓋上既金黃色應對住客人。見識唔多既我真係大開眼界🤔▪️鰻丼 ($380)因為我地係坐喺吧枱，所以望住條鰻魚喺面前燒又聞着陣陣飄香成半個鐘🥺
難得媽咪平日放假，決定帶佢尋覓大好野食。入左間喺白沙灣碼頭酒店既餐廳，個景的確幾靚。
果日去到12點都未到，餐廳仲未開🤣 但經理好友善叫我地入去坐住先。除左廂房，坐得舒舒服服而且夠曬私隱度外，更加有榻榻米房，啱曬一班朋友暢談心事，而且都設有電視，環境清幽！
原來依度係京都物產提供店，喺香港都食到京都既味道！
經理熱情好客，健談之餘又不失對客人應有既禮儀。傾到一半話請我地飲杯咖啡🤫 First impression就係間好有人情味既高級餐廳。
我地揀左兩個lunch set
▪️ 前菜
前菜係京都流水腐皮配麻醬。同平時食既腐皮口感大有不同，簡直可以用滑入喉嚨黎形容，質感有啲似滑蛋，但伴淡淡豆香。配上麻醬冰涼且醒胃，作為前菜真係唔錯🤪
▪️ 鮮蔬菜沙律
▪️ 味噌汁，漬物
味噌湯味道濃郁，同快餐店飲到既有明顯分別。餐廳用既係白神山山水，即係軟水。大廚話對人體較健康🤔 豆腐香滑。而Pickles亦夠醒胃。值得一提既係，大廚上餐前好詳細咁同我地講解左日本既餐桌禮儀。例如味噌湯蓋上既金黃色應對住客人。見識唔多既我真係大開眼界🤔
▪️鰻丼 ($380)
因為我地係坐喺吧枱，所以望住條鰻魚喺面前燒又聞着陣陣飄香成半個鐘🥺 大廚話，餐廳選用既係高級淡水鰻魚，用慢火燒，最後再輕輕燒層皮。鰻魚肉厚，可唯”有肉地”🤣 飯上亦有紫菜絲，成功更帶出鰻魚既鮮味😍 而且燒香左上皮令魚脂味道更突出，齒頰留香。醬汁鹹甜恰到好處，醃製過嘅鰻魚裹裹外外味道平衡，果然慢工出細貨。
會跟山椒粉已經好少見！大廚話佢會為鰻魚作畫龍點睛既作用，更帶出鰻魚的脂油香氣，去除魚本身既微腥(不過依個鰻魚飯係真係一啲腥味都食唔到)。
▪️銀鱈魚西京味噌燒 ($320)
同鰻魚飯餐既配套一樣，不同既只係主食。依個餐另配一碗白飯。唔好睇小一碗白飯！ 米粒方面用緊秋田米，口感較豐富，一粒粒飽滿彈牙🤪
依條係黑銀鱈，每條都會經醃漬左兩晚嘅時間方可燒烤食用，所用既醃料係石野粒味噌。十分入味，由皮到肉內每處都鹹甜得宜！配上酸甜既沙律醬可以稍稍平衡返口味。
▪️甜品
係無添加糖既3.6奶凍。奶香味濃，使用左3.6%牛奶令奶凍更香滑可口🤩 好鐘意佢唔加糖，實實在在淨係品嚐奶香☺️ 上面既自家製果醬亦起左平衡既作用，用金箔黎點綴將成件事帶上另一個層次。A perfect ending for the meal♥️
最後值得一提既係餐廳既牙籤🤣 每支都係人手製既竹牙籤，聞落去有淡淡的竹香！
〰️〰️〰〰️️〰️〰️〰️5/5🐷〰️〰️〰️〰️〰〰️️〰️
🔸Overall ($700+1)
📍食之劇場餐廳 (西貢)
西貢白沙灣碼頭酒店地下
張貼
