心選 (已結業)

今日放假約左long time no see既朋友出黎吹水，雖然兩個女人唔夠做一個墟，但係都肯定雞啄唔斷，所以我地就搵左間樓上cafe慢慢食，慢慢吹，唔怕被人趕。今次搵既呢間cafe地點超方便，係正旺角百老匯戲院隔離既昌記大廈，不過就要行兩層樓梯，如果想搭𨋢就要去到3樓再落番一層。cafe既裝修好簡單，雖然有大玻璃窗，但係咁arm大廈維修，所以冇咩景觀。Menu呢度除左一般意粉，小食之外，仲有all day breakfast添，不過最鍾意就係有唔同既set比你選擇。水蜜桃沙冰$55呢杯水蜜桃沙冰似蜜桃沙冰多d，味道唔會太甜又唔會假，仲有少少果肉，幾fresh又解渴藍莓奶昔$55呢杯藍莓奶昔都有藍莓肉係入面，飲落都好creamy同滑，又唔會覺得太膩，仲好健康tim下午茶$58呢度既下午茶set可以揀3款小食，包一杯$36既飲品，而超過左就需要補番個差額。另外，加$20可以多個出前一丁或者沙律tim。我地兩個人嗌左兩set再加個沙律。呢度既食物一般，不過不失，最值得讚既係個炸薯角，連埋薯皮好有薯味，而且炸得好香脆，正總括黎講，食物可以，環境又坐得舒服，又唔會比人趕，hea足成日既好地方。