嚐品慕茶 (已結業)

上個週末與朋友相約到呢間cafe傾下計，嚐品慕茶比較近牛頭角站，出左一直向海濱長廊方向就岩到達昌興工業大廈，上半層到閣樓，由於置身工廈內，基本上係無門面可言。所以一開門嗰下個反差都幾大咖，入面裝修得好靚好舒服，好有藝術既氛圍由於地方好大，所以座位一啲都唔狹窄，寬敞得黎坐得舒服是日餐湯配蕃茄多士係好足料既羅宋湯！蕃茄味勁濃，絕對唔係頹貨。多士一開始以為好硬，點知又唔係喎，十分鬆軟，沾湯食好夾牛油酥香雞翼熱辣辣，十分香脆，牛油味香又不會太油膩燒美國安格斯一口牛伴黑松露繪飯黑松露cream sauce 好味，而且份量剛好，不會膩口。安格斯一口牛燒到半生熟，唔會好靭抹茶鮮蝦帶子蟹籽意粉好創新 係第一次食用抹茶整既意粉，感覺雖是咸點，但又有少少甜 抹茶味極濃，但其實食落又一啲都唔奇怪，十分特別，可以一試蜂蜜伯爵茶檸檬茶壺原個茶壺上，檸檬同蜂蜜就係另上既，茶味香濃除左食物唔錯外，呢間餐廳絕對係值得hea下同朋友慢慢傾計既地方，我地坐左差不多兩個幾鐘都無人會趕我地走，值得一讚