美心西餅 (已結業)

今天是白色情人節，筆者在這裡先同大家講聲 Happy White Day！雖然香港人對白色情人節唔似得對西方情人節咁重視，但簡簡單單買個蛋糕回家趁吓熱鬧，亦不失為一件樂事。嘻嘻，其實是想找個藉口吃點甜就真。醒起早兩天上班途中，經過「美心西餅」，瞥見餅櫃裡有好幾個賣相搶眼的黑白斑點印花蛋糕，走近看看，原來是餅店新近推出，以 3.9澳洲牛奶為賣點的牛奶卷同牛奶蛋糕。好，就一於趁 Happy Saturday 一家人齊齊整整，買個 roll cake 回家開心 share，況且餅店做緊 promotion，有 $10 折扣優惠。3.9澳洲牛奶卷 (原價 $78、試食價 $68)，唔好以為這個只是普通的瑞士卷，其實成品是用上3.9澳洲牛奶炮製的，比起坊間餅店常用的牛奶含脂量為高，食味自然更加香濃幼滑。至於面頭的乳牛印花圖案，其實是由濃香軟綿的竹炭黑朱古力蛋糕、及口感鬆軟的蛋白蛋糕所組成的，一黑一白，直頭襯到絕頂。再細看裡面，原來捲咗用上 100% 澳洲3.9有機牛奶製作而成的奶凍和忌廉，難怪入口奶味咁重，creamy 得來仲有粒粒咬感，既滋味又香甜，連一向不太嗜牛奶的筆者也被迷得一試傾心，高呼