粵品匯

營業中

休息中

一行九人搵間坐得舒服啲嘅中菜酒樓，老人家生日食飯， 最緊要環境乾淨，唔好太嘈， 啱啱新裝修完，童軍總監俱樂部嘅中菜廳，確實係唔錯地方，環境光猛，服務員態度殷勤有禮，欣賞。先來個意大利黑醋 一字排，新口味， 肉排醃得入味 ，酸甜度啱啱好!燒腩仔~燒鵝，新鮮燒出嚟，媽媽讚不絕口。四川麻辣雞煲~麻辣感豐富，唔算太辣，公公都啱食。羊腩煲配生菜~廚師用咗羊件，好大嚿，如果炆耐啲會更加淋更加好!清蒸龍躉仔~公公最鍾意食魚， 條魚蒸得啱啱好， 由頭食到落尾，唔錯!蝦醬啫啫芥蘭煲~未送到上枱蝦醬嘅香味已經飄到埋嚟，熱辣辣嘅芥蘭，好吃!鮮淮山翠玉瓜木耳，OK脆麻花~用咗新嘅油炸， 鬆脆，口感唔錯。仲有表弟最鍾意嘅紅豆糕，賣相唔錯， 但三個唔係好夠，最後店員送咗每人一碗木瓜雪耳糖水，潤呀！