影片
更多
2018-07-14
137 瀏覽
今日想同朋友揾個靜靜地嘅地方傾下計，於是就揾下尖沙咀嘅樓上café，最後揾到呢間，點知有驚喜！交通方便，就喺尖沙咀H2出口度出，入iSquare上幾層電梯到G/F，一出對面就見到環球商業大廈。一入到去就有隻貓貓瞓左喺度，於是決定坐喺貓貓隔離。仲有另一隻貓的 o(*////▽////*)q貓貓瞓嗰個櫃有好多board game，我同朋友拎左個牛頭王黎玩，等野食期間可以用黎kill time。好喇，入正題！估唔到呢間餐廳都有幾多選擇，菜單分為沙律、小食、主菜、甜品、飲品呢幾個column。佢個主菜總共有兩版，最後決定叫個醬燒豬仔骨($228)。小食方面叫左個餃子($78)。飲品方面就叫左個薰衣草玫瑰花茶($68)。其實仲有好多其他選擇，不過想飲下暖野。甜品仲叫左個蜂蜜鮮果窩夫，叫任何主菜+$48就可以加配喇，都幾抵！環境唔錯，有啲LINE Friends公仔氣球，小朋友黎到應該會好鍾意。同場見到有情侶、一大班朋友、家庭嘅客人，實在係一個適合同親朋戚友相聚嘅地方。薰衣草玫瑰花茶($68)Waiter哥哥温馨提示話要煲15-20分鐘左右，等左三四個字之後終於飲得。入口甘香，飲完好舒服的感覺，不
交通方便，就喺尖沙咀H2出口度出，入iSquare上幾層電梯到G/F，一出對面就見到環球商業大廈。
一入到去就有隻貓貓瞓左喺度，於是決定坐喺貓貓隔離。
仲有另一隻貓的 o(*////▽////*)q
貓貓瞓嗰個櫃有好多board game，我同朋友拎左個牛頭王黎玩，等野食期間可以用黎kill time。
好喇，入正題！估唔到呢間餐廳都有幾多選擇，菜單分為沙律、小食、主菜、甜品、飲品呢幾個column。
佢個主菜總共有兩版，最後決定叫個醬燒豬仔骨($228)。小食方面叫左個餃子($78)。
飲品方面就叫左個薰衣草玫瑰花茶($68)。其實仲有好多其他選擇，不過想飲下暖野。
甜品仲叫左個蜂蜜鮮果窩夫，叫任何主菜+$48就可以加配喇，都幾抵！
環境唔錯，有啲LINE Friends公仔氣球，小朋友黎到應該會好鍾意。同場見到有情侶、一大班朋友、家庭嘅客人，實在係一個適合同親朋戚友相聚嘅地方。
薰衣草玫瑰花茶($68)
Waiter哥哥温馨提示話要煲15-20分鐘左右，等左三四個字之後終於飲得。入口甘香，飲完好舒服的感覺，不錯！
小食 - 日式雞軟骨豬肉棒餃子($78)
煎得幾香，啲肉又入味，配埋餐廳提供嘅醬料，實在不俗！
主菜 - 醬燒豬仔骨($228)
終於到主角！個醬酸酸甜甜幾啱我胃口，豬仔骨鬆軟易入口。配埋薯菜，呢個主角實在出乎我意料之外咁好味，加分！
擺盤有隻貓貓，好可愛 ♡
甜品 - 蜂蜜鮮果窩夫 (+$48)
外觀好靚，適合相機食先嘅foodies們。窩夫上面有藍莓，側邊有蜜桃同士多啤梨，都有幾多種水果。仲有個小瓶，可以根據自己喜好加蜜糖。窩夫配埋隔離嘅朱古力雪糕，口感一冷一熱，但又幾夾。
仲有啲Sailor Moon decoration。
總括黎講，我同朋友喺呢個樂園有一個愉快嘅用餐經歷，係一間適合三五知己聚會嘅餐廳。另外值得稱讚嘅係，Waiter哥哥會留意你食完小菜未，食完先會上主菜，食完主菜先會上甜品，好貼心！呢間餐廳都好著重擺盤設計，令食物睇得又食得，有機會一定會再encore！
張貼
