水上人家 (已結業)

我哋成班friend經常去石塘咀熟食中心食嘢。 今晚一入到去，見到有一間掛咗幅好大嘅banner，好有藝術feel。經店員介紹，知道間舖原來係新開張，見價錢唔貴，所以坐低試下。呢間係食中式小菜， 有唔少煲仔系列，價錢唔貴。 首先叫咗秘製豬軟骨煲。呢個豬軟骨同出面嘅唔同味道。酸酸甜甜，好開胃，飯都食多幾碗。 同埋，啲豬軟骨好林，下次可以帶埋小朋友嚟試下。天氣凍凍地， 特登叫個羊腩煲。成班friend一齊十下十下，超開心。個羊腩煲味道唔錯， 甜甜地，配埋佢嗰腐乳一齊食， 味道好夾。而且可以加其他配料食（ 生菜、響鈴、 滑牛、 枝竹) 正!  食到一半， 店員即刻幫我哋加番啲羊腩湯水，服務一流， 抵讚！其中有個朋友想食清淡啲，老闆推薦台式肉燥豆腐。個豆腐好滑， 連埋個肉燥一齊食，個效果出奇地好，朋友大讚。食完之後，老闆特登出嚟問下味道點樣。原來老闆就係主廚，負責我哋今晚嘅所有餸菜。佢之前原來喺唔少大酒樓都做過，經驗豐富。 呢次係佢第一次創業， 我哋都好支持佢。因為而家做生意需要嘅勇氣真係好大。 希望佢嘅生意越做越好。