有機廚房 (已結業)

我曾經有一日，自己一個人無聊放工行咗去九龍城，無意間幫襯咗呢間有機廚房，雖然食物未至於好好食！但甜品好好食！我覺得都可以再幫襯！今晚同咗個同事去食我第一次幫襯只係睇咗set dinner， 今晚侍應姐姐有推介，原來main menu加$30一樣有湯、沙律、甜品任食我地就揀咗西冷牛扒同脆皮豬手今晚餐湯有周打蜆湯同雜菜湯啲湯熱辣辣好好！因為一般餐廳都有唔夠熱嘅問題！兩款餐湯都好足料，算幾好飲我本身好鍾意黑芝麻嘅嘢！呢個餐包勁吸引我！佢仲有焗爐提供可以㷫熱個包，好細心沙律款式係好大路，菜有不斷fill，好新鮮沙律雖然唔多款式，唔好眼闊肚窄，真係好夠牛扒今次比上次薄咗，要七成都比較熟，但都仲可以接受嘅個脆皮豬手真係好正！切得好靚！啲皮超脆好香口！仲有好香蜜糖味！我地仲問侍應姐姐攞咗啲蜜糖嚟點，好味好多有個侍應姐姐好nice，又推介我地食啲受歡迎嘅甜品，仲拎咗即刻焗好嘅芝士蛋糕比我地食我地食得好開心雙層芝士蛋糕姐姐話係必食推介啲奶凍甜品都好好食，奶又夠香，朱古力味又夠濃！啲甜品真係好加分