八方庭

營業中

休息中

今日成家人過嚟愛定商場嘅酒樓食晚飯，酒樓嘅名叫做＂八方庭＂。裝修簡潔有時尚感，地方好大，座位空間好足夠。我哋叫左5道菜，每一道菜都好好味。🥬臘味炒芥蘭，芥蘭超爽脆，吵到翠綠色非常吸引，同臘味一齊炒帶有鹹香味，仲中和左芥蘭嘅苦味，超鮮甜。🐓正宗文昌雞，今年係文昌雞，雞味特別濃郁，肉嫩畫彈牙。唔知係咪因為活動多，所以唔會好肥，鮮甜味十足。🐟老壇酸菜魚，大大盤酸菜魚，今次真係有口福啦。魚片大塊無骨，又滑又爽口，魚肉非常鮮。入邊仲有酸菜，芽菜和薯粉。個湯酸酸辣辣夠晒開胃，佢個辣唔會好嗆口，飲落去好順，充滿魚鮮味和酸菜味。🐖川辣豬手充滿骨膠原，呢個豬手係一份涼菜，豬手冰冰涼涼皮爽肉嫩，豬皮極有彈性食落去好彈牙，淋上川味汁食落去有微微辣味，極之開胃🤤惹味！🦪椒鹽鮑魚，係用炸粉包住整隻大鮑魚拎去炸，外層嘅炸面非常香脆，入邊鮑魚肉爽口彈牙，味道非常鮮甜。再灑上椒鹽粉和炸蒜，令人食得好惹味！