影片
更多
2023-01-08
684 瀏覽
呢一年都不停有人同我問呢間野係乜？有人話點解唔直接tag餐廳呢？其實你有睇番我之後都有tag番餐廳，正等如你tag左都有人會問地址，不過有人留言討論其實又會學到野，起碼有時留言同人交流其他人推薦番我又幾好。朋友見我又去食就笑我點解又去，今次簡單食，無我最愛的龍蝦，沒有熱石拉麵，沒有平常叫開的食物，睇吓佢另一面。先上場的冷鮑魚，檸檬香滿溢，前菜嚟講，味道唔錯，但係同平時佢哋嘅刺身高水平嚟講，今日呢個剛剛合格吧。全晚最精彩的刺身非半熟青森中拖羅莫屬，中拖燒過之後，呈現半熟狀態，入口有油香，一入口溶化，加上細膩嘅蔥花，好得，呢個又係成為我必點之作。又係號稱自家醬汁調味的北海道直送半熟帆立貝，之前咁多次都未食過，佢掌握海鮮嘅技術真係一流，那種剛剛好的狀態，無敵。其實咁多次嚟食飯，串燒我都係最少涉獵嘅部分，今次食多點，鹽燒日本蝦出奇地燒得同平時有大分別，大隻又燒得夠好，蝦殼都燒得有味，蝦肉之爽勁無得彈。蒜芯豚肉串，我喜歡嘅原因係加上左大量嘅黑椒，再加上濃味嘅蒜芯令到佢嘅味道特別突出，豚肉又肥又瘦，當然肥嘅味道就更加出色。日本雞肝加上佢自家嘅醬汁後，非常精彩，的確有嗰種新宿串燒街嘅地道風味。佢嘅地
其實你有睇番我之後都有tag番餐廳，正等如你tag左都有人會問地址，不過有人留言討論其實又會學到野，起碼有時留言同人交流其他人推薦番我又幾好。
朋友見我又去食就笑我點解又去，今次簡單食，無我最愛的龍蝦，沒有熱石拉麵，沒有平常叫開的食物，睇吓佢另一面。
先上場的冷鮑魚，檸檬香滿溢，前菜嚟講，味道唔錯，但係同平時佢哋嘅刺身高水平嚟講，今日呢個剛剛合格吧。
全晚最精彩的刺身非半熟青森中拖羅莫屬，中拖燒過之後，呈現半熟狀態，入口有油香，一入口溶化，加上細膩嘅蔥花，好得，呢個又係成為我必點之作。
又係號稱自家醬汁調味的北海道直送半熟帆立貝，之前咁多次都未食過，佢掌握海鮮嘅技術真係一流，那種剛剛好的狀態，無敵。
其實咁多次嚟食飯，串燒我都係最少涉獵嘅部分，今次食多點，鹽燒日本蝦出奇地燒得同平時有大分別，大隻又燒得夠好，蝦殼都燒得有味，蝦肉之爽勁無得彈。
蒜芯豚肉串，我喜歡嘅原因係加上左大量嘅黑椒，再加上濃味嘅蒜芯令到佢嘅味道特別突出，豚肉又肥又瘦，當然肥嘅味道就更加出色。
日本雞肝加上佢自家嘅醬汁後，非常精彩，的確有嗰種新宿串燒街嘅地道風味。
佢嘅地獄口味真係唔講得笑，阿波美雞腿串用上地獄汁，真係辣度甚強，唔食得辣，真係唔好亂叫。
尾聲冇叫拉麵，反而叫左手燒白鰻魚飯，之前有個朋友好鍾意食鰻魚飯，佢成日叫我推介，我覺得呢度嘅手燒鰻魚飯都做得唔錯，可惜呢度嘅座位唔太啱佢。
不過，如果黎呢度都係要食龍蝦，差好遠，詳細睇之前食評啦。
張貼
