影片
更多
2008-07-29
30 瀏覽
上星期公司同事比左幾張coupon我, 一睇....九龍城富豪酒店buffet, 晚餐成人$288, 小童$188 (星期六日) 其實正價都可以算係抵食, 有埋coupon 75折就更加抵食 星期日見天氣酷熱, 行街無耐就成身濕晒(勁出汗), 橫點打算晚飯去食buffet, 一個唔該走左上去( 飛色高)做下運動, 順道更係沖個靚涼, 嘆下冷氣啦...舒服晒 ~六點半準時到達現場, 見到甜品部, 有好多唔同款式既西餅, 仲有蛋撻仔咁趣緻, 雪糕車係Dreyer's...不過內裡既雪糕既然係Haggen Dazs 真神奇 羅左位同女朋友拖住手仔行個圈: 冷盤唔算太多款色, 魚生, 壽司, 青口, 凍蝦, 凍瀨尿蝦, 煙三文, 一般沙律蛋/菜. 熱盤: 天婦羅, 咖哩羊, 印度簿餅, 燒牛扒, 龍利, 薯溶, 羊扒, 特色盅頭海鮮.....等等, 仲有個位係叫: 餃子店...有四五款餃子 & 麵供應. 湯水是晚有鵝肝龍蝦湯 & 雞絲魚翅湯 ~ 是月每圍有長腳蟹一份, 不過就食唔到有乜味 大至上與三百幾蚊buffet埸相比, 款式就一定不及大埸之多, 不過食物質素, 味道都可以與其他貴
上星期公司同事比左幾張coupon我, 一睇....九龍城富豪酒店buffet, 晚餐成人$288, 小童$188 (星期六日) 其實正價都可以算係抵食, 有埋coupon 75折就更加抵食 星期日見天氣酷熱, 行街無耐就成身濕晒(勁出汗), 橫點打算晚飯去食buffet, 一個唔該走左上去( 飛色高)做下運動, 順道更係沖個靚涼, 嘆下冷氣啦...舒服晒 ~
六點半準時到達現場, 見到甜品部, 有好多唔同款式既西餅, 仲有蛋撻仔咁趣緻, 雪糕車係Dreyer's...不過內裡既雪糕既然係Haggen Dazs 真神奇 羅左位同女朋友拖住手仔行個圈: 冷盤唔算太多款色, 魚生, 壽司, 青口, 凍蝦, 凍瀨尿蝦, 煙三文, 一般沙律蛋/菜. 熱盤: 天婦羅, 咖哩羊, 印度簿餅, 燒牛扒, 龍利, 薯溶, 羊扒, 特色盅頭海鮮.....等等, 仲有個位係叫: 餃子店...有四五款餃子 & 麵供應. 湯水是晚有鵝肝龍蝦湯 & 雞絲魚翅湯 ~ 是月每圍有長腳蟹一份, 不過就食唔到有乜味 大至上與三百幾蚊buffet埸相比, 款式就一定不及大埸之多, 不過食物質素, 味道都可以與其他貴埸比美, 二百鬆就唔好希望會有生蠔食啦 ~
為一缺點, 可能是晚人數唔多, 而且埸地程U形, 我坐既位置, 只有我與其他一圍, WAITER長久都不來收碟, 要自己自行清碟, 好彩我隔離就係放污碟之處, 唔駛四圍行
Buffet 時間由1830 - 2130
星期一 至 五 成人$268 小童$168
星期六日及公眾假期前夕 成人$288 小童 $188
星期一 及 三 分別有兩間BANK做緊68折 HSBC or 恆生 ~
其餘時間就唔係好清楚, discount幾時到期都唔係好知(我用coupon點會知姐) 記得打電話去問 ~
張貼
