影片
更多
2019-08-16
146 瀏覽
前幾日睇雜誌介紹素食，見到《素一》好似唔錯，即刻約班同事lunch time試一試。餐廳位於Tower535，新淨企理，感覺幾清新、舒服。素食已經唔似以前老老土土咁，宜家新開左好多新派素菜，《素一》以自助餐形式經營，食物區分了幾個section，包括沙律吧、炸物、壽司類、粉麵類、甜品類同埋飲品區等等。我鍾意食煎炸野，所以一去到就衝去夾啲煎餃子、天婦羅、腐皮卷、椒鹽杏飽菇。素餃子唔錯，的的骰骰，唔會一下子盞爆個胃，等我可以每樣試少少。不過要留意，如果啲炸物放得太耐，就會淋哂唔好食，所以要睇準時機夾。粉麵類都算大路，一般都係豉油王炒麵，炒銀針粉等，味道不過不失。壽司當然係比唔上真魚生壽司，但我幾欣賞塊仿三文魚又真係做得幾迫真，連味道都有幾分相似，不錯不錯。但估唔到最鍾意嘅竟然係炒菜芯同炒椰菜！真心好食，好新鮮，炒得恰到好處，淨係炒菜都可以送到一碗飯。最後，以新甜菠蘿同椰汁西米芋圓作結，都只係＄78加一。銅鑼灣地段黎講，算性價比高
素食已經唔似以前老老土土咁，宜家新開左好多新派素菜，《素一》以自助餐形式經營，食物區分了幾個section，包括沙律吧、炸物、壽司類、粉麵類、甜品類同埋飲品區等等。
我鍾意食煎炸野，所以一去到就衝去夾啲煎餃子、天婦羅、腐皮卷、椒鹽杏飽菇。素餃子唔錯，的的骰骰，唔會一下子盞爆個胃，等我可以每樣試少少。不過要留意，如果啲炸物放得太耐，就會淋哂唔好食，所以要睇準時機夾。
粉麵類都算大路，一般都係豉油王炒麵，炒銀針粉等，味道不過不失。
壽司當然係比唔上真魚生壽司，但我幾欣賞塊仿三文魚又真係做得幾迫真，連味道都有幾分相似，不錯不錯。
但估唔到最鍾意嘅竟然係炒菜芯同炒椰菜！真心好食，好新鮮，炒得恰到好處，淨係炒菜都可以送到一碗飯。
最後，以新甜菠蘿同椰汁西米芋圓作結，都只係＄78加一。銅鑼灣地段黎講，算性價比高
張貼
