2
0
0
等級4
2015-06-30 5936 瀏覽
朋友仔生日搞 party,第一次黎都幾難搵,幾經辛苦步入商業大廈,終於到 club 既門口喇。無人既?原來我第一個到!地方好大喎,Clubbing 或 Party 好去處 !好舒服,有枱波、飛鏢、卡拉ok、露臺、專人扒爐美食!仲未冇朋友到,唯有自己同自己打吓枱波、掟飛鏢、杯兩杯消磨時間。自己打左幾盤波、掟左幾舖鏢、飲左兩一兩杯紅白酒仲未有人到,睇黎隨時 party 未開始我就先醉囉!再自己打落去唔係辦法,唯有要請職員陪我打啦,麻煩晒。依位靚女球技都幾好喎,good!主角終於到喇!朋友鄶都陸續到場。除左兩位主角外,其他來賓我都要係識兩三個乍!無緊要,我自娛飲飲食食無問題。露台擺設同設計好靚喎,但今晚落大雨呢!露台廿個人都容立到,如果無落雨一定好正,依度睇到煙花喎!對正馬路有街景有海景,環境尚算開揚。雖然未齊人,但開飯先!好肚餓呀!我最早第一個到已經同職員們混熟,當然我飲頭啖湯先啦!雞中翼熱辣辣出晒煙,新鮮出爐無得輸!醃得入味香口,燒得 juicy 又嫩滑,飽滿又肉汁豐富!連食半打都要繼續食,好好味!豬扒同樣高質,軟棉有趙口,豬味極香濃。彈牙厚牛扒、嫩滑雞扒同樣惹味充滿肉汁,墨魚丸牛丸芝士
更多

朋友仔生日搞 party,第一次黎都幾難搵,幾經辛苦步入商業大廈,終於到 club 既門口喇。無人既?原來我第一個到!地方好大喎,Clubbing 或 Party 好去處 !好舒服,有枱波、飛鏢、卡拉ok、露臺、專人扒爐美食!

仲未冇朋友到,唯有自己同自己打吓枱波、掟飛鏢、杯兩杯消磨時間。自己打左幾盤波、掟左幾舖鏢、飲左兩一兩杯紅白酒仲未有人到,睇黎隨時 party 未開始我就先醉囉!再自己打落去唔係辦法,唯有要請職員陪我打啦,麻煩晒。依位靚女球技都幾好喎,good!

主角終於到喇!朋友鄶都陸續到場。除左兩位主角外,其他來賓我都要係識兩三個乍!無緊要,我自娛飲飲食食無問題。

露台擺設同設計好靚喎,但今晚落大雨呢!露台廿個人都容立到,如果無落雨一定好正,依度睇到煙花喎!對正馬路有街景有海景,環境尚算開揚。

雖然未齊人,但開飯先!好肚餓呀!我最早第一個到已經同職員們混熟,當然我飲頭啖湯先啦!

雞中翼熱辣辣出晒煙,新鮮出爐無得輸!醃得入味香口,燒得 juicy 又嫩滑,飽滿又肉汁豐富!連食半打都要繼續食,好好味!

豬扒同樣高質,軟棉有趙口,豬味極香濃。彈牙厚牛扒、嫩滑雞扒同樣惹味充滿肉汁,墨魚丸牛丸芝士腸大路野,無問題啦!依位後生仔廚師兼老闆手藝一流!落住大雨係露台用手偷食別有一番風味,哈哈。

燒大蝦,夠大隻又夠甜,但霉肉呢!失手。

燒扇貝,正呀!鮮甜味美,軟棉 juicy!有部份朋友放飛機,所以有機會食多一兩隻呢,我唔想客氣喇!滿足!

飲飽食醉係時候唱生日歌切蛋糕喇!恭喜 Carmen 同 Ayumi 又大一歲!有機會真係再黎搞 party!So good ! 食物、白酒、環境、服務、價錢都滿意。

難得撞到靚女 model Regine 梗要集郵同攞電話啦,哈哈。又高又靚女 Regine 真係高攀不上,影吓相算喇,無奈。

332 瀏覽
0 讚好
0 留言
354 瀏覽
0 讚好
0 留言
391 瀏覽
0 讚好
0 留言
404 瀏覽
1 讚好
0 留言
402 瀏覽
0 讚好
0 留言
395 瀏覽
0 讚好
0 留言
364 瀏覽
0 讚好
0 留言
雞中翼、牛扒、雞扒、豬扒、墨魚丸、芝士腸
378 瀏覽
0 讚好
0 留言
燒大蝦
327 瀏覽
0 讚好
0 留言
燒扇貝
326 瀏覽
0 讚好
0 留言
407 瀏覽
0 讚好
0 留言
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐日期
2014-05-10
用餐途徑
堂食
人均消費
$500 (晚餐)
慶祝紀念
生日
推介美食
雞中翼、牛扒、雞扒、豬扒、墨魚丸、芝士腸
燒扇貝
  • 雞中翼
  • 牛扒
  • 扇貝
  • 雞扒