GRAIN (已結業)

呢間係西環海邊既西餐廳裝修好好，位又坐得舒服，黎呢度食午餐都好享受呀。我地先叫Panzanella Salad，呢個係雜菜沙律，超級豐富，有好新鮮既青瓜片，蕃茄仔，生菜，仲有鯷魚、橄欖、番茄、意大利扁麵包，咸咸地既鯷魚同清新既蔬菜出奇地好夾，好開胃。之後叫佐Crispy Beef Cheek，原來係炸脆既牛面頰，牛面頰炸脆咗都唔會好鞋口，入面啲肉仲好嫩滑，再加上底下既烤蒜蛋黃醬，好香，味道好濃，好好食。然後就係Lasagne，傳統西餐廳既意粉菜式，好考功夫既芝士肉醬千層麵，用咗車打芝士同埋水牛芝士碎去焗出嚟，再加埋香濃嘅牛肉肉碎，好香，啲麵又係自製嘅，麵質好好，仲有脆脆嘅麵包碎，口感超正。最後叫埋1/4Chicken，顧名思義主角就係四分一隻雞，配菜就係烤雙重炸薯條同埋椰菜絲沙律，雞肉好嫩，唔會焗得過老，薯條就夠晒脆，仲有新鮮既沙律，又飽又健康，正。飲埋杯手作啤酒就perfect池啦。