Godiva Chocolatier (崇光百貨) (已結業)

好耐冇食Godiva軟雪糕。今日興起，一人一支。黑巧克力軟雪糕 $50黑巧克力軟雪糕係50%黑巧克力，其實食落都幾甜，質感好滑，份量足，雪糕食到落底。脆餅都唔錯，脆餅上面仲有少少朱古力。當然價錢唔平啦。上面仲要再加巧克力醬。雙重巧克力軟雪糕 $50另一款試吓唔同口味，叫左雙重巧克力軟雪糕。另一重係期間限定嘅烏龍荔枝。估唔到都幾好味，荔枝比烏龍味稍微突出少少，個人覺得好味過黑巧克力。另外外賣多兩支黑巧克力軟心雪條。夏威夷果仁黑巧克力軟心雪條 $40支雪條細細條，冇我手板咁長。朱古力脆皮堅脆，同埋有勁多果仁碎，不過食唔出係夏威夷果仁。入面係朱古力雪糕，食到好底先係軟心，少少貨不對辦喎。而呢種硬雪糕雪條食唔出點解要俾成40蚊食一條，又唔係特別滑，不過黑巧克力味道唔苦又唔甜既。草莓黑巧克力軟心雪條 $40至於草莓黑巧克力軟心雪條呢，個脆皮鋪滿好多草莓脆脆，少少酸黎平衡甜甜既黑巧克力脆皮更好食。不過入面既草莓夾心就好似冰條，軟心部份實在係唔多覺，又係貨不對辦喎。