茶聊 (已結業)

朋友網上見到杯髒髒鮮奶就拉埋我去食，順便傾下女仔心事，哈哈！我地食下午茶原來都唔少人嫁，環境幾舒服，見好多人枱面都有髒髒鮮奶咁一定要叫。美式特盛漢堡 $158好足料，安格斯牛肉肉味濃郁，咸咸煙肉片，加上芝士同炒蛋，簡直幾重享受。另外凱薩沙律新鮮爽口，薯條炸到熱辣辣。辣味雞汁欖油香蒜炒蜆意粉 $88蜆肉大隻，鮮甜無沙，意粉都幾辣。芝芝芒芒 濃郁嘅奶蓋好creamy，芒果沙冰綿密，芒果味濃，酸酸甜甜。髒髒黑糖珍珠鮮奶好好飲，唔會好甜，黑糖珍珠口感煙韌，有咬口。