影片
更多
2017-01-25
372 瀏覽
在諾士佛臺新開既日式餐廳，特別在於唔係食刺身，壽司甘簡單，仲有燒烤，串燒等，會試到比較特別既日式料理。濱燒2人前。 六點後送蟹蓋蟹膏同埋清酒。我同朋友都唔飲清酒，轉左兩杯提子梳打海膽熱身菜係一板加拿大海膽。份量都幾多有10件。附無鹽紫菜包住食。味道鮮甜，入口即溶，配上紫菜既爽口有好大既對比。海膽真係普通放題食唔到甘過質素！超滿足！雜錦天婦羅賣相相當吸引好似日式既鳥居。 有3隻大蝦，茄子，紫薯，秋葵等。 新鮮炸起，油唔太多。 而天婦羅汁酸酸甜甜，日本人食天婦羅會加埋蘿蔔蓉，而九井就將蘿蔔蓉加入天婦羅汁，味道加更清新。牛油果軟殼蟹卷有六大件，卷物外圍係牛油果同埋蟹子。牛油果夠熟唔會硬，壽司既牛油果要熟先好食。入面既軟殼蟹都新鮮炸好，而且填得好密好實，真材實料二人前濱燒有北海道蟹，鮑魚，扇貝，蠔同埋超大隻虎蝦全程有專人幫你燒，唔怕唔識燒浪費晒！蟹膏蟹肉燒上枱時有生雞蛋係上面。 燒之前職員會將生雞蛋同蟹膏蟹肉攪勻先燒。唔會燒到太熟，熱熱地就可以。 同一時間會烘埋2塊法包，之後就可以同蟹膏蟹肉一齊食。口感好滑，好鮮甜。加埋法包烘得好脆，味道一流建議可以將法包加至4塊，因為蟹膏蟹肉份量都幾多，2塊
在諾士佛臺新開既日式餐廳，特別在於唔係食刺身，壽司甘簡單，仲有燒烤，串燒等，會試到比較特別既日式料理。
濱燒2人前。 六點後送蟹蓋蟹膏同埋清酒。我同朋友都唔飲清酒，轉左兩杯提子梳打
海膽熱身菜係一板加拿大海膽。份量都幾多有10件。附無鹽紫菜包住食。味道鮮甜，入口即溶，配上紫菜既爽口有好大既對比。海膽真係普通放題食唔到甘過質素！超滿足！
雜錦天婦羅賣相相當吸引好似日式既鳥居。 有3隻大蝦，茄子，紫薯，秋葵等。 新鮮炸起，油唔太多。 而天婦羅汁酸酸甜甜，日本人食天婦羅會加埋蘿蔔蓉，而九井就將蘿蔔蓉加入天婦羅汁，味道加更清新。
牛油果軟殼蟹卷有六大件，卷物外圍係牛油果同埋蟹子。牛油果夠熟唔會硬，壽司既牛油果要熟先好食。入面既軟殼蟹都新鮮炸好，而且填得好密好實，真材實料
二人前濱燒
有北海道蟹，鮑魚，扇貝，蠔同埋超大隻虎蝦全程有專人幫你燒，唔怕唔識燒浪費晒！
蟹膏蟹肉燒上枱時有生雞蛋係上面。 燒之前職員會將生雞蛋同蟹膏蟹肉攪勻先燒。唔會燒到太熟，熱熱地就可以。 同一時間會烘埋2塊法包，之後就可以同蟹膏蟹肉一齊食。口感好滑，好鮮甜。加埋法包烘得好脆，味道一流
建議可以將法包加至4塊，因為蟹膏蟹肉份量都幾多，2塊真係唔夠放
海鮮就係要新鮮！九井既海鮮真係新鮮到不得了！因為燒2隻鮑魚時我地發現佢地不停離殼自轉。 真係殘忍因為係生燒可想而知係幾新鮮。
燒完後分成一塊塊甘食。 估唔到新鮮既鮑魚真係好有鮑片既味道！我一直以為果隻味係人工的，因為中式煮法用果皮煮完全食唔到鮑片味，生燒好食好多！
扇貝燒到中途，扇貝微開，員工告知要拎返去廚房洗乾淨再拎出黎為保新鮮同乾淨估唔到有甘多工序。
燒完之後職員又係好細心甘幫我地分開一舊舊，裙邊脆到飛起！
海鮮鍋材料有蝦，蜆， 八爪魚，日式京面，雜菜。
天氣凍凍地，埋尾食返個海鮮鍋暖下胃的確唔錯成個鍋好鮮甜，連湯底都飲埋。 飲完又唔覺得口渴，非味精湯。
估唔到高質素既日式海鮮餐0係諾士佛臺會食到，下次Girls Night Out 一定encore
張貼
