咖啡弄 (已結業)

一年前只有銅鑼灣分店時同男友排過一次，但因為太餓同人龍太長，朝聖失敗了。一年幾後，咖啡弄對我仍有吸引力，所以一於同朋友再去尖沙咀分店試一下，預左要排隊排好耐嘅心態去。太幸運，成為開店後第一批坐上客！Menu 有太多吸引嘅飲品同食物，最後揀左豬扒三文治同草莓鬆餅、飲品就揀左香草凍咖啡同凍雜果茶。豬扒三文冶聽朋友講依個係必食，初初不太相信，但真係好好味，包面很脆，配上薯仔蛋沙律一絕，個醬汁其實係精隨。肚餓加上真係好好味=大滿足！草莓鬆餅賣相吸引，有份量。但有點失望，鬆餅太厚，但雪糕不足，食完雪糕吉士球都未食完D鬆餅⋯果茶很滿意，有不同的鮮果肉，味道仔fresh 配有熱情果喺入面，讚凍咖啡賣相很好，但友人不太喜歡下次會再試其他野！