點心仲叫咗造型高貴、用魚子醬點綴嘅⭐️龍蝦肉餃同一咬爆汁、口感軟綿嘅🤍麻婆豆腐小籠包。
至於用足靚料嘅🤍佛跳牆灌湯餃係用嚟孝敬老人家，海參、鮑魚、魚翅、瑤柱、花膠全部都有齊。
私心鐘意⭐️醬汁蘿蔔，蘿蔔切成一片片，盡見刀功。酸、甜、爽、開胃。
⭐️滷水拼盤（大墨魚、豆腐、鵝件、腎）都幾抵食，風味香濃。
⭐️蟹粉拌麵嘅驚喜位係加咗花雕酒，酒嘅醇厚大大增添蟹粉嘅香氣，同時提鮮。
🤍百葉結栗子紅燒肉做到入口軟糯係基本，唔知係咪因為根據時令特別加入咗栗子呢個食材，感覺窩心
整體覺得環境唔錯，坐得舒服，菜品中高價位但係份量足，手工心思都體會到，會再一訪。
