Shining Restaurant & Lounge (已結業)

今日放工約左女友銅鑼灣行街食飯，自己揾左陣，度度都多人，都要排隊，所以最後都係open rice 下，睇有冇新餐廳未開發，揾到間酒吧竟然係食潮州菜，新到連食評都冇，唔知好冇食，不過睇環境相唔錯，所以最後就決定試試。餐廳唔難揾，就係Zing嗰棟大廈入面，去到時餐廳冇乜人，所以唔洗排隊就入得，個環境係酒吧餐廳風格，但食物真係潮洲菜，幾新穎🤣我哋揀左tasting menu食，人頭計388，食物有古法雞腳、明爐老火湯、潮式凍魚、威士忌酒香鵝肝、招牌海鮮拼盤、滷水三拼、花雕醉鴿、潮式炒米粉。食物好快就到枱，份量唔算好大份，但都唔少，個雞腳滷得比想像中入味，又冇乜雪藏味，唔錯；潮式凍魚就反而一般，條魚本身冇乜味，要點醬食先食到條魚既鮮味；至於滷水三拼、同埋花雕醉鴿，就有驚喜，三拼包括滷水雞、元蹄、滷水鵝，滷水汁唔錯，甜甜咸咸咁，幾開胃，肉質都鮮嫩，不過女朋友就覺得個滷水雞肉有雪味，但我又食唔出，所以大可不妨一試。花雕醉鴿，個花雕酒味好濃郁，個整法令到隻鴿好嫩滑，好食😋 海鮮拼盤，雖然望落份量唔多，但無論係海蝦，鮑魚、蟶子、定海蝦，食落都好新鮮，肉質鮮甜，就算唔點啲醬汁都好食，推介👍🏼不過講到最有