影片
更多
2019-09-12
110 瀏覽
收工去九展睇戲，入場前係度食埋晚餐。見到餐牌有二人餐，就二話不說揀左呢個。<泰式肉碎生菜包>一片片爽脆既生菜加上冰涼帶微辣既肉碎，親手包起放入口，好一個開胃前菜！<冬蔭功湯>味道係非常經典既酸辣味，入面亦有齊蜆、蝦、蘑菇等等，真係幾正宗。<保雲酥龍蝦辣茄醬意大利飯> (+$38)呢間餐廳係行fusion路線，所以都有risotto。呢隻龍蝦夠曬厲害，係有龍蝦籽架！第一次見，好特別！不過啲龍蝦肉就略嫌乾左少少。茄醬就好酸甜，啱曬我。<德國燒豬手配蜜糖芥末籽醬>豬手超巨型，黎到我同朋友都哇一聲！切極都仲有，皮脆肉嫩，旁邊既酸菜真係力推，配豬手肉簡直一流。<玫瑰茶>我同朋友都揀左玫瑰茶，味道清清地，聞落有好香既玫瑰芳香。呢度環境一流，係木系裝修。一路食一路飄來陣陣咖啡香。另外仲有個啤酒bar仔。旁邊仲有一邊係專門比寵物既範圍比主人門黎比寵物放電。
見到餐牌有二人餐，就二話不說揀左呢個。
<泰式肉碎生菜包>
一片片爽脆既生菜加上冰涼帶微辣既肉碎，親手包起放入口，好一個開胃前菜！
<冬蔭功湯>
味道係非常經典既酸辣味，入面亦有齊蜆、蝦、蘑菇等等，真係幾正宗。
<保雲酥龍蝦辣茄醬意大利飯> (+$38)
呢間餐廳係行fusion路線，所以都有risotto。呢隻龍蝦夠曬厲害，係有龍蝦籽架！
第一次見，好特別！不過啲龍蝦肉就略嫌乾左少少。茄醬就好酸甜，啱曬我。
<德國燒豬手配蜜糖芥末籽醬>
豬手超巨型，黎到我同朋友都哇一聲！切極都仲有，皮脆肉嫩，旁邊既酸菜真係力推，配豬手肉簡直一流。
<玫瑰茶>
我同朋友都揀左玫瑰茶，味道清清地，聞落有好香既玫瑰芳香。
呢度環境一流，係木系裝修。一路食一路飄來陣陣咖啡香。另外仲有個啤酒bar仔。
旁邊仲有一邊係專門比寵物既範圍比主人門黎比寵物放電。
張貼
