Getaway (已結業)

上網睇到有間新開嘅峇里菜，所以今日去左中環食餐好嘢。一入到去見到餐廳環境每一個角落都花盡心思，盡顯氣派。午餐有set lunch同ar la carte menu，即刻試試先。一開始前菜食左個慢煮雞胸。本身以為雞胸一定係好硬。點知佢用慢煮煮到好淋，好易入口。之後上左個伯爵茶芒果凍湯。第一次飲芒果湯。味道幾得意，幾開胃。小食我就叫左個鮑魚，有幾粒魚子喺上面。鮑魚煮得好淋，好入味。主菜係燒鱸魚薏米粒。條鱸魚燒得啱啱好，唔會太熟。肉質嫩滑多汁，好好食。最後有個Gado Gado燒雞配飯球，雞肉嫩滑，同個醬汁好夾。配埋個飯球剛剛好。甜品叫左個檸檬撻同青檸沙冰，好清甜清新，好好食。最後一提係店員嘅服務質素，非常周到，友善不在話下，見到你杯水就飲哂就會立即refill。侍應會解釋每道菜嘅做法同食法，同佢有講有笑，非常好嘅一次用餐體驗。雖然個餐唔算太貴，但性價比黎講依間餐廳我會俾9分。