牛肉羅漢小煎餅
很迷你，其實是於一小塊蔥油薄餅上放上牛腱及鵪鶉蛋，但牛腱及鵪鶉蛋與蔥油薄餅的味道似乎唔係太夾，個人覺得不要蔥油薄餅只吃牛腱及鵪鶉蛋會更好食。
窩夫鹽酥雞
台式鹽酥雞下配上小窩夫，再加上楓樹糖漿及鳳梨醬，又酸又甜理應開胃，但個人認為窩夫與鹽酥雞的味道不太配，鹽酥雞本來就是鹹食，加上酸甜的醬有點奇怪。單就鹽酥雞嘅味道黎講係好食的，炸得夠香脆，可惜是配上窩夫破壞左個味道。
乒乓
齋睇名真係唔知咩黎，其實真身係蕃薯球，入面包左年糕同cheese。對比起上兩道菜，呢個算比較好食，畢竟年糕同cheese都好少會有出錯。
雙魚甜不辣
甜不辣係台灣經典小食，改用魷魚同比目魚，兩個都好食，新鮮炸起夠香脆。魷魚唔會炸得過火，食落仲係爽嘅，點埋酸甜嘅醬更開胃好食！
七層鹵肉飯
唔駛問鹵肉飯一定係台灣名菜，但要做得好食夠香真係唔易，呢個七層鹵肉飯就真係做到果種香味，可惜份量真係太少，大家都只能淺嘗。好味，但真係好貴下，唔太抵都係試下。
布丁豆花
聽個名以為係布丁加豆花，其實係有黑糖同冬瓜茶，本身我都中意飲呢兩樣野，但出去叫呢啲最驚就係甜到漏，呢個配埋布丁對我黎講有啲過甜，但冬瓜茶味真係幾香，我諗如果配冇咁甜嘅野會好啲，如愛玉、豆花（雖然佢個名有豆花但其實冇豆花）
總括黎講，牛肉羅漢小煎餅同窩夫鹽酥雞個人認為是為fusion而fusion，味道不太夾，硬要比鹽酥雞比較優勝，因為單吃味道是不錯的，只因配了窩夫而減分。
反而fusion色彩冇咁濃嘅先比較好食，包括乒乓、雙魚甜不辣及七層鹵肉飯，要比較排名如下：
七層鹵肉飯 > 雙魚甜不辣 > 乒乓
鹵肉飯真心好食，但真係太貴同份量太少（其實所有野都係），個人認為試試就好，但應該不會有下一次。
