Shining Restaurant & Lounge (已結業)

今日發現新大陸搵到間新開無耐嘅潮州菜酒吧，係由其自家米芝連主廚打理嘅，用左自家嘅秘制滷水嚟調配，真係好有驚喜！我哋叫左個二人套餐，其中個鵝肝真係好正，有少少酒香吃落一啲都唔膩！之後就係呢道滷水鵝，味道十分之香！有別於其他平時食到嘅滷水鵝，真係唔停口！接住仲有個炸物拼盤，最緊要係佢個黑松醬，配薯條食簡直一流！成個二人餐入面仲有唔少小食，最後主食係一道炒米，呢個炒米簡直係食過返尋味，炒得好乾身，食得出好有鍋氣！最後我哋都加配左一個海鮮拼盤，呢個亦係全晚最正嘅一道，份量又夠，拼盤嘅海鮮食得出係好新鮮，配搭埋個醬料，真係越食越開胃！同場仲有一啲娛樂設施，岩曬你朋友嚟聚會，有得食又有得玩