薄餅怪獸

營業中

休息中

今日去到新蒲崗，時間比較晏啲，見到有間Aizah舖，同朋友去咗試吓，餐廳定位比較親民啲，全部嘢都唔會太貴仲有唔同嘅小食同埋意粉等✅熱情如火pizza🍕 薄脆餅底，外層烤到金黃香脆，內裡軟熟有嚼勁。鋪滿辣味莎樂美腸、辣椒、濃郁芝士，每一啖都辣勁十足，芝士拉絲又creamy，配上微酸蕃茄醬，香辣惹味，刺激味蕾，令人一試難忘。焗肉丸拼香草腸（各3）🥩🌭 肉丸用豬肉、洋蔥、香草搓成，外層焗到微脆，內裡多汁彈牙，香氣撲鼻。香草腸鹹香惹味，肉味濃郁，兩款一齊上枱，口感層次豐富，啖啖都想再食。芝士肉醬焗薯蓉🧀🥔 薯蓉打到超滑，舖上香濃肉醬同厚厚芝士，一焗即溶，芝士拉絲，肉醬鹹香，薯蓉軟綿，三重口感，香氣四溢，邪惡又滿足。BBQ雞翼🍗 雞翼先醃後焗，外層刷上濃郁BBQ醬，焗到焦香黏手，甜中帶煙燻味。雞肉嫩滑多汁，每隻都入晒味，香辣惹味，令人停唔到口。