粉紅水門雞 (威達商業大廈) (已結業)

旺角有一間好抵食嘅餐廳，都幾隱蔽，真係識得嚟嘅就會識得嚟！裏面嘅餐牌選擇多多，有雞，有牛有豬肉等等，價錢都係差不多大概$36嘅範圍。另外亦都有其他小食、甜品大概$20之內，飲品就比想像中特別平，幾蚊已經有一樽冷泡茶。粉紅水門雞飯$36煎蛋香葉肉碎飯$36叫咗兩碗飯，兩碗飯都有唔同，水門雞飯就係雞油飯裏面仲有蒜，而且款雞特別香滑，雞油十足，可以點上泰式醬汁，口感一流！另外一款肉碎飯好似食緊生菜包咁，鹹香得來又有四季豆，加上有少少流心嘅煎蛋提升口感層次。芒果糯米飯$18鍾意食泰國嘢唔少得食埋芒果糯米飯，裏面表面有新鮮芒果，下面有大量糯米+黑糯米，加上椰汁味道香甜有口感。秘製椰香斑蘭厚多士$16椰香斑蘭味道突出，表面有滿滿的醬，震震飄香，而且多士口感香脆，作為甜品小吃不錯。冷泡炭焙烏龍（無糖） $8陳年金橘蜜$12飲品方面對於想像中真係實在太平，炭焙烏龍味道香濃，另外陳年金橘蜜都好清香清甜，同泰國嘢食好match。食到咁豐富每位大概都係$60左右，真係平到癲！