茶屋町 (長沙灣道) (已結業)

一個人快閃晚餐，早幾日行過深水埗，見平時賣衫既長沙灣道開左幾間餐廳，見到間茶屋町好似唔錯，就入去試下，果時7點左右已經得番bar枱，舒適就真係中規中距，不過都係快食一餐，無所謂啦，睇餐牌都幾多野揀，最後叫左個吉列芝士黑豚配咖喱飯，首先黎個湯，有豆卜係面，飲落都唔錯，鐘意濃味既應該會幾鐘意，跟住黎主菜，賣相想當豐富，右手邊有3粒番薯仔，食落有少少甜，至於豚肉係我最欣賞，充滿左芝士，佢地仲好細心中間切開，入面點滿芝士，炸粉唔厚食落有咬口，至於飯上面飯素，就咁食都好唔錯。咖喱好香，我就攞黎點豚肉食，呢個價錢68蚊我就覺得真心抵，食完已經飽哂，睇住職員好比心機整甜品，賣相好吸引，唯有留番下次再食過。