廉記冰室 (春園街) (已結業)

有時喺灣仔行街我發覺餓起上黎真係好難搵到嘢食，灣仔呢個地段開嘅餐廳唔係高級餐廳貴到平民都食唔起，就係大型連鎖食店，想搵啲平民小店真係越來越少。不過今日行完囍帖街之後轉角就見到一間冰室叫做廉記，嗰一刻真係好肚餓諗都冇諗就坐低左先。食比較港式嘅西冷牛扒飯，睇到牛扒嘅份量都覺得非常驚訝，牛扒唔只大塊仲要有兩大塊，食落去牛扒有返咁上下嘅厚度，感覺上牛扒偏向五成熟左右，軟身牛味好濃郁之餘點埋黑椒汁配飯食，真係好有細個去冰室食扒餐既感覺，不過呢一個扒餐就真係落重本又美味啦。發現左呢一間冰室，完全打破咗喺灣仔只有貴食既命運，食物水準高之餘仲要份量十足，價錢仲要非常之親民，喺灣仔嘅朋友唔需要考慮經過就試吓啦！