Fûhn Express (已結業)

Moko food court平身價錢都唔平，不過俾我行行下搵到依間越式面店，最平四十二蚊就有交易，幾抵喎！不過果晚特別肚餓，所以叫左特式牛湯面，入面咩都有，有齊生牛肉、牛坑腩片、手打牛丸、牛筋片、牛腩邊、牛柏葉（78蚊）。Food court就梗係自助式，落左order之後十分鐘內就煮好，拎餐具嘅位仲放左唔同嘅醬汁（甜辣椒醬、是拉差、越南甜醬、醬油）碗面超大碗，啲餸多到食到最尾都未食完啲牛肉好嫩又滑身，牛丸都幾彈口，牛柏葉都爽口！另外仲加左越式扎肉串、越式炸牛油雞翼，扎肉串外面脆身但係皮算薄身，幾好食。炸牛油雞翼好惹味，面頭有啲蒜片，食落好香牛油味！