高橋沾麵製作所 (已結業)

路經奧海城想食個快Lunch，喺奧海城大食代原來開咗間由日本師傅主廚嘅沾麵店 - 高橋沾麵製作所，立即同朋友叫兩碗麵食下🧡我地分別叫咗極上3L廣島蠔龍蝦沾麵同特製八代海赤海老叉燒拉麵。🍜極上3L廣島蠔龍蝦沾麵份量超大碗又軟硬適中嘅烏冬，配上大大隻炸到金黃色嘅新鮮廣島蠔，沾上熱騰騰嘅龍蝦湯沾麵汁，濃郁嘅湯汁非常香龍蝦味，仲有粒粒彈牙嘅龍蝦肉。🍜特製八代海赤海老叉燒拉麵雖然係拉麵但比坊間一般湯底濃厚，一大堆好震撼嘅紅卜卜赤海老撈埋拉麵，特別嘅口感仲好強海鮮風味，叉燒亦非常足料，肉質肥美唔會太乾身。材料新鮮又價錢合理，味道好食仲非常飽肚🥰