影片
更多
2009-10-20
6 瀏覽
今日跟已離職的上司食飯，Café One係佢提議的，都好呀，有一段時間無食過。初初開的時候都幾鐘意黎食，佢的自助餐幾多野食架，個時有中式點心檯，我覺得好犀利 (家陣好多酒店的自助餐廳都有供應了)。到後來試過兩、三次同朋友夜晚黎食甜品，價錢比起出面普通非酒店餐廳差不多，而且水準穩定，不過當然比起中式糖水，西式甜品比較甜喇。今日去到，檯檯都食自助餐﹗對減緊肥的我黎講真係好掙扎，記得上一次來食lunch (好似已經兩年前)，單點左一個burger set，都幾好味。不過最後我都係選擇食自助餐，因為我怕叫a la carte，如果只食少少會好浪費食物。海鮮冷盤有蝦、龍蝦仔和青口，我只吃了兩件青口，無雪味不過唔大隻同唔juicy，普普通通。另吃了一塊煙三文魚，兩口沙津，尚算新鮮。見到印度naan bread 剛推出，即刻攞一件試下，再伴咖喱牛肉同咖喱海鮮，naan bread唔夠軟熟，有d韌，失望啊~ 兩款咖喱反而唔錯，有兩種不同的香辣味。個印度烤雞好味，香草味香濃，好多時tandoori chicken都會鞋口，難得佢呢個雞肉唔鞋，如果熱食就更好。Roasted beef就好韌喇，好難切，食左
初初開的時候都幾鐘意黎食，佢的自助餐幾多野食架，個時有中式點心檯，我覺得好犀利 (家陣好多酒店的自助餐廳都有供應了)。到後來試過兩、三次同朋友夜晚黎食甜品，價錢比起出面普通非酒店餐廳差不多，而且水準穩定，不過當然比起中式糖水，西式甜品比較甜喇。
今日去到，檯檯都食自助餐﹗對減緊肥的我黎講真係好掙扎，記得上一次來食lunch (好似已經兩年前)，單點左一個burger set，都幾好味。不過最後我都係選擇食自助餐，因為我怕叫a la carte，如果只食少少會好浪費食物。
海鮮冷盤有蝦、龍蝦仔和青口，我只吃了兩件青口，無雪味不過唔大隻同唔juicy，普普通通。
另吃了一塊煙三文魚，兩口沙津，尚算新鮮。
見到印度naan bread 剛推出，即刻攞一件試下，再伴咖喱牛肉同咖喱海鮮，naan bread唔夠軟熟，有d韌，失望啊~ 兩款咖喱反而唔錯，有兩種不同的香辣味。
個印度烤雞好味，香草味香濃，好多時tandoori chicken都會鞋口，難得佢呢個雞肉唔鞋，如果熱食就更好。
Roasted beef就好韌喇，好難切，食左一口就唔再食lu。
到甜品喇，有好多選擇。我揀左﹕
1.藍莓薄班戟 (個皮好薄，幾好味)
2.格仔 waffle (微熱，頗脆口，不過佢竟然無最傳統的糖漿供應)
3.Chocolate mousse (唔好食，太水，味道有少少怪)
4.栗子蛋糕仔 (好味呀)
5.朱古力噴泉 (只有菠蘿同綿花糖，其他可能未refill?)
6.朱古力 fruit tart仔 (細細件，生果新鮮)
咖啡，帶酸。價錢，唔知道啊，多謝長輩。
唉，又要跑步喇！
張貼