完美咖啡室 (已結業)

我喺附近返工，經常都會經過呢間小店，所以佢開張我都有去。由見到佢裝修開始已經充滿著期待，到咗而家，係短短既時間入面我已經唔係第一次幫襯。間鋪唔大，但企理乾淨，甜品款式唔小 。第一次來食咗士多啤梨撻，但可能係期間限定，而家已經冇咗啦。仲食過栗子撻、抹茶卷蛋、 草莓忌廉蛋糕，opera。蛋糕頭號粉絲既我，係有反甘上下要求，我最推介 抹茶卷蛋、栗子撻，士多啤梨忌廉蛋糕。首先 我係抹茶控，呢個卷蛋抹茶味濃最緊要忌廉夠滑，蛋糕夠鬆軟，忌廉同蛋糕比例岩岩好，而且仲卷得好靚。正因為蛋糕夠鬆軟，更加要提一下士多啤梨忌廉蛋糕，酸甜既士多啤梨加忌廉其實係絕配，我都同自己講，食埋呢次先減啦！至於栗子撻，係我最講究既野，呢到無令我失望，撻夠香，唔會蓋過左栗子本身個味，同埋栗子mousse唔膩。亦都唔會好甜。雖然呢到既蛋糕賣相簡單唔花巧，但真係食得出心思，眼見呢啲全部都係手工野，靚之餘係好食，我諗我會幫襯到最後：）因為太心急，淨係開張日先有影相，間野唔難搵，真心推介！