影片
更多
2021-02-15
95 瀏覽
大學時有同學副修Spanish，每次同佢say bye都會慣性講句adiós！而另一句從佢身上學到嘅，就係Está delicioso，即係好好味嘅意思。用佢嚟形容嚟緊我介紹嘅呢一餐，絕對無誤！Hunger Point嘅好有趣嘅新開小店，餐廳位於歌賦街，主打嘅僽有速食感覺嘅墨西哥夾餅，亦即係我哋成日講嘅Taco。餐廳門面好搶眼醒目，用咗個check point嘅形像，正正道出咗舖名Hunger Point嘅意思。好欣賞，因為直白唔造作！講返食物方面，當天同朋友兩人都係餓住肚子行街，所以食量夠為驚人。見佢有個Lunch Set Combo，價錢好相宜！包括有味噌三文魚rice bowl 同埋 墨西哥雞肉Taco！叫咗個set牛刀小試！Harujuku Rice Bowl獨立睇，Rice Bowl分量唔算好大，不過用料就相當有誠意！三文魚之外仲有牛油果醬、烤西蘭花、車厘茄、雜菌及溫泉蛋，fusion得嚟，味道同個味噌三文魚相當夾，多種蔬果拌喺一齊有種韓式拌飯嘅感覺，但又cross over咗日式味噌三文魚，相當有趣！Mexican Chicken Taco大家都Taco有軟硬皮之分，但大多
Hunger Point嘅好有趣嘅新開小店，餐廳位於歌賦街，主打嘅僽有速食感覺嘅墨西哥夾餅，亦即係我哋成日講嘅Taco。餐廳門面好搶眼醒目，用咗個check point嘅形像，正正道出咗舖名Hunger Point嘅意思。好欣賞，因為直白唔造作！
講返食物方面，當天同朋友兩人都係餓住肚子行街，所以食量夠為驚人。見佢有個Lunch Set Combo，價錢好相宜！包括有味噌三文魚rice bowl 同埋 墨西哥雞肉Taco！叫咗個set牛刀小試！
Harujuku Rice Bowl
獨立睇，Rice Bowl分量唔算好大，不過用料就相當有誠意！三文魚之外仲有牛油果醬、烤西蘭花、車厘茄、雜菌及溫泉蛋，fusion得嚟，味道同個味噌三文魚相當夾，多種蔬果拌喺一齊有種韓式拌飯嘅感覺，但又cross over咗日式味噌三文魚，相當有趣！
Mexican Chicken Taco
大家都Taco有軟硬皮之分，但大多數硬皮都係捲為U字型再烤製，相反軟嘅Taco就捲或半捲形態。但呢度嘅taco剛好相反，好似呢款硬片反嘅Chicken Taco，就以捲嘅方式製作，又成為咗另一種風味。薄脆嘅玉米餅每一口都有好濃嘅玉米香，雞肉好嫩而且一啲都唔乾柴，佐醬係微辣再加埋蕃茄、牛油果與洋蔥作等配菜，相當refreshing！
Shredded Beef Taco
見佢咁高汁，加上大家都仲有空間，於是就再追加多個牛肉Taco！今次就換上咗軟皮版，呈U型，似個小碗仔咁包住香噴噴嘅炆牛肋肉！牛味好突出，個人最appreicate係試過兩款肉，都well done得嚟入口仍舊嫩滑而鎖得住肉汁！大家都知牛肉最易老同乾，但佢呢款即使冇醬汁輔助，口感上都好juicy！加埋個阿根廷嘅牛扒傳統醬汁chimichurri，好rare好驚豔！
張貼
