有間本舖 (已結業)

依1年半，古早味蛋糕響香港大行其道， 連網上食譜都有一百九十萬個，食材雖然平，但試過做，做到手都軟埋，流矖汗，完成都唔太想食，唔enjoy,見到公司附近開左間就去買番個返屋企。佢有幾款味道輪流供應,今次有原味，黃金芝士，抹茶紅豆同蜂蜜蔓越苺。黃金芝士 $75買嗰時啲芝士仲係溶溶地嘅狀況, 簡直係呼喚緊叫你買佢返屋企咁樣 ，芝士控無可能抗拒的一個蛋糕！ 佢唔止呢裏面係有流心芝士，連個面都有好香濃嘅芝士粒，加上佢個蛋糕本身好香好有蛋味，喜歡佢嗰種未完全熟曬嘅感覺，十分推薦！抹茶紅豆$75因為媽媽鍾意食抹茶蛋糕，我見親有抹茶味嘅都會買俾佢，我未食過有咁濃嘅抹茶蛋糕，媽媽十分喜歡，佢話濃得嚟唔苦，紅豆粒粒又有口感之餘，食落去起沙，蛋糕有彈性又帶蛋香，仲叫我下次經過都買件俾佢呢～