神戶屋日韓放題

營業中

休息中

我第一次帶爸爸媽媽去食放題，咁就梗係要帶佢哋去一個又方便又好食嘅地方啦。咁我就帶咗佢哋去食神戶屋放題，佢哋好開心，因為座位好闊落，我哋有三個人，佢俾咗張大台我哋，仲有經理同埋員工嘅服務態度，都非常之好！我一嚟就叫咗少少放題嘅刺身，相比起我同我男朋友食，今次係叫得少啲，因為我爸爸媽媽都係唔識食生魚，所以我唔夠膽叫太多，我驚最後要我自己一個食晒，清晒。我哋叫咗魷魚，冇諗過咁彈牙咁好食，好想再叫。我哋叫咗幾件螺肉壽司，鰻魚壽司，同埋八爪魚壽司。味道都唔錯，份量都幾多。我哋又叫咗燒蝦，同埋燒菠蘿，我自己就幾鍾意食燒菠蘿嘅，因為真係唔錯，真係好好食，甜甜地咁樣。我仲有試過佢哋嘅蟹粥，好難得蟹粥係無腥臭味，我自己就真係幾鍾意，但因為我爸爸就麻麻哋，所以今次就冇叫到。其實我仲有諗過叫壽起燒，但係因為我爸爸媽媽都係唔食牛肉嘅，所以又唔要得，哈哈。。。其實有啲掛住同我個寶貝男友食傢放題，但唔緊要啦，今次都係第一次啫。