今時今日，物價上漲， $208 一位任食韓燒放題已經算便宜了！
現在只需要加$38蚊， 便可以食到熊本霜降和牛，梗係嗱嗱聲加啦！
嘩！ 原來仲可以任叫肉眼扒、皇者牛排骨、特級牛頸肉、黑毛豬腩、帶子、帆立貝、法式羊架、什錦海鮮拼盤、紅炆牛肋骨。真係抵抵抵 ！
首先，侍應來了五碟前菜， 味道相當好， 可以先開開胃， 我最鍾意青瓜，酸酸甜甜的， 既新鮮又爽口 。
Encore 之作《熊本霜降和牛》，
這是升級食物中的寵兒， 油花分佈平均，肉質色澤粉紅， 非常漂亮， 富有獨特的味道和質感 。
只要放到烤爐上， 輕輕燒一燒，肉質幼嫩而多汁， 入口即溶，咀嚼時帶有甘油香味， 原來任食都有這麼高質素的牛肉， 我們已經encore 了一碟又一碟！ 真是encore 之作。
《皇者牛排骨》
， 預先用特製醬汁醃製過的牛排骨， 咬落嫩滑，吃起來牛味較濃， 好有肉汁，不用點醬汁已經十分美味。
《黑毛豬腩》
厚切上的黑毛豬， 色澤漂亮， 白裏透紅， 脂肪和豬肉的比例好好，一層脂肪隔着一層肉， 燒完後有濃郁肉味，油香撲鼻， 有脆卜卜而爽囗感覺，點上醬汁一起食， 十分美味 ！
雞翼大大隻， 烤完後仍然這麼大， 證明冇縮水，肉質好嫩滑，味道相當不錯，值得一讚 ！
海鮮方面我叫咗個《烤什錦海鮮拼盤》， 有帆立貝、青口、大蝦、 魷魚和魚柳。 各種海鮮都ok，尤其是我最喜愛嘅帆立貝和青口。 
帆立貝加上蒜蓉再烤，美味可口， 鮮味十足 ！ 青口好大隻， 好肥美， 啖啖肉， 一叫再叫!
花甲蜆外表細小，但原來蜆肉好飽滿，啖啖肉， 鮮味十足，肉質爽脆 ， 一定要試呀 ！
人蔘雞湯，去到韓燒， 必定要叫啦 !
用了很多材料嘅人蔘雞湯， 入口有淡淡的雞香味， 而帶有人蔘甘甜， 蔘味適中， 加入糯米，所以有軟綿綿感覺 ， 最喜歡就是上枱時熱辣辣 ！
總括而論， 人均消費好抵， 我強力建議大家一定要加 $38 （ 升級食物） 。食物質素相當認真， 種類繁多， 下次我會試吓其他美食， 實在太多種類， 未能一一享受，真係有點可惜， 所以我一定會再來的， 再次享受美食。
