永順食店 (已結業)

元朗啲橫街窄巷總有間出名嘅地道食肆係左近，如果識搵，一定會有好嘢食！元朗嘅連鎖食肆越來越多，個人比較中意小舖多啲，傳統啲好味啲！永順係我encore再encore嘅元朗小舖之一，佢嘅沙嗲牛肉麵啲沙嗲汁勁濃勁香勁杰，重口味之作，同我地出面食嘅完全唔同！同佢嘅牛肉有肉味，唔係出面茶記用粉”la”過然後有滑嘟嘟嘅口感！同行朋友仔就覺得咸左啲！怕太重口味嘅朋友，其實可以叫分汁上架！之前有朋友推介我食蟹王麵，原來咬落去比出前一丁煙韌，有口感啲，兩蚊都值得加！加杯茶走，都茶味濃，讚！不過早餐無套餐要$43，要下晝或夜晚食感覺抵啲！