愛麗絲的秘密花園 (已結業)

樓上舖唔算太大，整體裝飾都幾符合主題。 例如有一面綠植牆可以俾人影相 ，店主都好熱心甘推介道具俾我地影相，有玫瑰花，兔耳頭飾，連愛麗絲立體書都有 。 佢用嘅所有餐具都係愛麗絲主題，靚得黎滿足到我地嘅少女心。 佢嘅餐單亦都改咗符合愛麗絲主題嘅名，例如要咗一個意大利飯，佢嘅名叫做 迷失森林 蘆筍雞胸燴意大利飯($112)，可惜啲飯未煮透，食落有啲硬，唔夠creamy同入味。另外仲要咗拿破崙香草鮮茄配虎蝦意大利麵($128)意粉放咗一隻兔仔型餅， 賣相幾靚，份量都算多，但係食落味道就冇咩驚喜，可以再重啲番茄味同香草味。 一頓飯點都要有甜品收結先完美，揀左荔枝軟心慕斯蛋糕（$56)。size比想像中細，雖然賣相幾靚但係荔枝味唔係好覺。個慕斯有啲太實。 雖然食物質素同平時嘅樓上Cafe差唔多，但係裝飾嚟講算幾靚同有心思，都幾岩同朋友打卡聚一聚。